पुणे : केंद्रीय मंत्री नारायण राणे (Narayan Rane) यांच्यासह त्यांच्या मुलांवरती टीका करताना आक्षेपार्ह वक्तव्य केल्याप्रकरणी शिवसेना उद्धव बाळासाहेब ठाकरे गटाचे आमदार भास्कर जाधव यांच्यावर पुण्यातील डेक्कन पोलिस स्टेशनमध्ये गुन्हा दाखल करण्यात आला आहे.
मागील काही दिवसांपासून आमदार भास्कर जाधव (Bhaskar Jadhav) आणि राणे कुटुंबीयांमध्ये शाब्दीक चकमक सुरु आहे. अशातच केंद्रीय मंत्री नारायण राणे यांच्यावर टीका करताना जाधव यांनी आक्षेपार्ह शब्द वापरले होते. त्यांच्या याच वक्तव्यामुळे ते अडचणीत आले आहेत.
पाहा व्हिडीओ -
मात्र, आता जाधव यांच्या हे आक्षेपार्ह वक्तव्य करणं चांगलंच अंगलट आलं आहे. पुण्यातील डेक्कन पोलिसांमध्ये योगेश अरुण शिंदे यांनी दिलेल्या तक्रारीवरून जाधव यांच्या विरोधात ५००, ५०१, आणि ५०२ कलमान्वये गुन्हा दाखल करण्यात आला आहे.
भास्कर जाधव यांनी केलेलं वक्तव्य राणेंच्या चांगलेच जिव्हारी लागलं असून त्याचे पडसाद देखील आता पाहायला मिळतं आहेत. मंगळवारी रात्री काही अज्ञातांनी जाधव यांच्या घरावर हल्ला करण्याचा प्रयत्न केला तर त्या आधीच जाधव यांची सुरक्षा काढून घेतल्याची माहिती देखील समोर आली होती. त्यामुळे राणे विरुद्ध ठाकरेंची शिवसेना यांच्यातील संघर्ष पु्न्हा पेटण्याची शक्यता आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.