Shivsena: भावना गवळींचे घटस्फोटीत पती शिवसेनेत; प्रशांत सुर्वेंना उद्धव ठाकरेंनी बांधले शिवबंधन

Prashant Surve joins Shivsena |यापुढे ते जे काही जबाबदारी देतील ती मी पार पाडेन असं प्रशांत सुर्वे यावेळी म्हणाले.
Prashant Surve joins Shivsena
Prashant Surve joins ShivsenaSaam TV

भूषण शिंदे

मुंबई: शिवसेनेतून शिंदे गटात सामील झालेल्या बंडखोर खासदार भावना गवळी (Bhavna Gavali) यांनी शिवसेनेला (Shivsena) मोठा धक्का दिला होता. त्यानंतर शिवसेनेने भावना गवळींची हकालपट्टी करत मोठा धक्का दिला होता. त्यानंतर आता खासदार भावना गवळी यांचे घटस्फोटीत पती प्रकाश सुर्वे यांनी शिवसेनेत प्रवेश केला आहे. शिवसेना पक्षप्रमुख उद्धव ठाकरे यांच्या उपस्थितीत प्रकाश सुर्वे यांनी शिवबंधन हाती बांधले. (Prakash Surve Latest News)

हे देखील पाहा -

पक्ष देईल ती जबाबदारी पार पाडेन - प्रशांत सुर्वे

यावेळी प्रशांत सुर्वे म्हणाले की, सर्व्हिसमध्ये असताना कधी सक्रिय होऊ शकलो नाही. सध्या खूप सारे लोकं उद्धव ठाकरे आणि आदित्य ठाकरे यांचं नेतृत्वं झुगारुन दुसरीकडे गेले. तर मला आज वाटलं की आपण फुला नाही फुलाची पाकळी बनून साहेबांच्या शिवसेनेत सामील व्हावं. यापुढे ते जे काही जबाबदारी देतील ती मी पार पाडेन असं प्रशांत सुर्वे यावेळी म्हणाले. प्रशांत सुर्वे हे पेशाने पायलट होते. २०१३ साली खासदार भावना गवळी आणि प्रशांत सुर्वे यांचा घटस्फोट झाला होता.

Prashant Surve joins Shivsena
Shivsena: सुषमा अंधारेंची शिवसेनेच्या उपनेतेपदी नियुक्ती; उद्धव ठाकरेंनी व्यक्त केली 'ही' अपेक्षा

१७ जुलैला शिवसेनेच्या खासदार भावना गवळी यांनी शिंदे गटात प्रवेश केला होता. त्यानंतर त्यांची लोकसभेत शिंदे गटाच्या प्रदोतपदी निवड करण्यात आली होती. भावना गवळी आपल्या समर्थकांसह शिंदे गटात सामील झाल्याने यवतमाळ जिल्ह्यात शिवसेनेला यांना धक्का बसला होता. त्यामुळे यवतमाळ लोकसभा मतदारसंघात शिवसेनेला खिंडार पडली होती. बाभूळगाव नगर पंचायतचे नगरसेवक ,शिवसेना उपजिल्हा प्रमुख, युवासेना जिल्हा प्रमुख, असंख्य कार्यकर्ते शिंदे गटात सामील झाले. शिंदे गटाचे निरीक्षक राजेंद्र फाटक यांच्या उपस्थितीत भावना गवळींनी आपल्या समर्थकांसह शिंदे गटात प्रवेश केला होता.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com