Bhiwandi Crime News: दुर्गंधीमुळे शेजारी वैतागले, दार उघडताच पायाखालची जमीनच सरकली!

Thane News: दुर्गंधीमुळे शेजारी वैतागले, दार उघडताच पायाखालची जमीनच सरकली!
Thane Crime News
Thane Crime NewsSaam tv

Thane kongaon Murdered News:

भिवंडीत एक धक्कादायक घटना घडली आहे. येथील कोनगावात एका 36 वर्षीय महिलेचा मृतदेह कुजलेल्या अवस्थेत आढळून आल्याने एकच खळबळ उडाली आहे. या महिलेची हत्या झाल्याचं सांगण्यात येत आहे. ही महिला एका तरुणसोबत लिव्ह इन रिलेशनमध्ये होती. त्यानेच तिची हत्या केल्याचा संशय पोलिसांना आहे.

मिळालेल्या माहितीनुसार, मधू प्रजापती असं मयत महिलेचे नाव आहे. राजपुत इमारतीच्या एका बंद खोलीतून दुर्गंधी येत असल्याने इमारतीच्या मालकाने पोलिसांना कळवले. या घटनेची माहिती मिळताच पोलीस घटनास्थळी दाखल झाले. यानंतर दुर्गंधी येत असलेल्या घराचा दरवाजा तोडताच स्वयंपाकघरात एका महिलेचा मृतदेह कुजलेला अवस्थेत पोलिसांना सापडला.

Thane Crime News
Women's Reservation Bill: महिला आरक्षणासाठी 2029 पर्यंत करावी लागणार प्रतीक्षा? नेमकं काय आहे कारण...

पोलिसांच्या प्राथमिक तपासात अशी माहिती समोर आली की, मधू प्रजापती ही घटस्फोटीत असून ती तिच्या पार्टनरसोबत लिव्ह इन रिलेशनमध्ये राहत होती. या दोघांनी लिकडेच कोनगाव येथे भाड्याने घर घेतलं होतं आणि गेल्या 11 महिन्यांपासून ते कोनगाव येथे राहत होते. दर महिन्याला ते राजपुत इमारतीत एक-दोन आठवडे राहायला येत होते. दोघेही जवळच एका कारखान्यात काम करत होते.  (Latest Marathi News)

शेजाऱ्यांनी पोलिसांना सांगितले की, हत्या झालेल्या महिलेची एक मैत्रिणही काही दिवसांपासून या दोघांसोबत राहात होती. आरोपीने तिच्या मित्राला फोन करून आपण काहीतरी वाईट कृत्य केल्याचे सांगितले होते.

Thane Crime News
Chandrayaan-3: चांद्रयान-३ चे टेक्निशिअन विकतायत 'इडली', पत्नीचे दागिने ठेवले गहाण; 18 महिन्यांपासून मिळाला नाही पगार...

पोलिसांनी दिलेल्या माहितीनुसार, महिलेचा धारदार शत्राने गळा चिरण्यात आल्याचे पोलिसांनी सांगितले. परंतू अधिक तपासासाठी महिलेचा मृतदेह शवविच्छेदनसाठी जे जे रुग्णालयात पाठवण्यात आला आहे. दरम्यान, आरोप फरार आहे. पोलीस याप्रकरणी अधिक तपास करत असून आरोपीचा शोध घेत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com