मोठी बातमी! आता ठाकरे घराण्यातही फूट?; स्मिता ठाकरेंनी घेतली एकनाथ शिंदेंची भेट

आता स्मिता ठाकरेही शिंदे गटात जाणार का? अशी चर्चा सुरू झाली आहे.
Smita Thackeray Meet CM Eknath Shinde
Smita Thackeray Meet CM Eknath ShindeSaam TV

मुंबई : मुख्यमंत्री एकनाथ शिंदे (Eknath Shinde) यांच्या बंडानंतर शिवसेनेत (Shivsena) उभी फूट पडली. सुरूवातीला आमदार, त्यानंतर खासदार आणि आता थेट नगरसेवक तसेच पदाधिकाऱ्यांनी नगरसेवकांनी शिंदे गटाची वाट धरली आहे. दरम्यान, एकीकडे पक्षप्रमुख उद्धव ठाकरे (Uddhav Thackeray) आणि युवासेनाप्रमुख उद्धव ठाकरे हे शिवसैनिकांच्या भेटीगाठी घेत असतानाच, दुसरीकडे स्मिता ठाकरे यांनी मुख्यमंत्री एकनाथ शिंदे यांची भेट घेतली आहे. त्यामुळे आता स्मिता ठाकरेही शिंदे गटात जाणार का? अशी चर्चा सुरू झाली आहे. (Smita Thackeray Meet CM Eknath Shinde)

Smita Thackeray Meet CM Eknath Shinde
'पक्षात १ डझन आमदार आणि...'; उद्धव ठाकरेंच्या मुलाखतीवर नारायण राणे यांचा हल्लाबोल

एकनाथ शिंदे यांनी बंड केल्यानंतर शिवसेनेचे 40 आमदार, 12 खासदार आणि अनेक नगरसेवक तसेच पदाधिकारी शिंदे गटात सामील झाले आहेत. त्यामुळे शिवसेनेत मोठी फूट पडली आहे. एकीकडे पक्षप्रमुख उद्धव ठाकरे तसेच युवासेनाप्रमुख उद्धव ठाकरे हे शिवसेना पदाधिकाऱ्यांसोबत संवाद साधत आहे.

उद्धव ठाकरे हे शिवसेनाभवात बैठकी घेत आहेत. तर युवासेनाप्रमुख आदित्य ठाकरे यांनी महाराष्ट्रात निष्ठा यात्रा काढली आहे. मात्र असं असलं तरी, उद्धव ठाकरे यांच्या समोरील अडचणी काही थांबण्याचं नाव घेत नाहीये. दिवसेंदिवस अनेक पदाधिकारी शिंदे गटात सामील होत आहे. त्यातच आता स्मिता ठाकरे यांनी एकनाथ शिंदे यांची भेट घेतल्यानंतर आता ठाकरे घराण्यातही फूट पडणार का अशी चर्चा सुरू झाली आहे. (CM Eknath Shinde Latest News)

Smita Thackeray Meet CM Eknath Shinde
मुंबईची ओळख पुसण्याचा भाजपचा प्रयत्न; मातोश्रीवरील बैठकीत उद्धव ठाकरे काय म्हणाले?

दरम्यान, एकनाथ शिंदे यांच्या भेटीच्या चर्चेवर स्मिता ठाकरे यांनी प्रतिक्रिया दिली आहे. एकनाथ शिंदे हे जुने शिवसैनिक आहेत. ते महाराष्ट्राचे मुख्यमंत्री झाले आहेत. त्यामुळे त्यांना मी शुभेच्छा देण्यासाठी आले होते. असं स्मिता ठाकरे यांनी म्हटलं आहे. एकनाथ शिंदे यांच्या गटात सामील होण्याबाबत त्यांनी कुठलीही प्रतिक्रिया दिलेली नाहीये.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com