सर्वात मोठी बातमी! आमदारांनंतर आता शिवसेनेचे खासदारही फुटणार? सूत्रांची माहिती

10 हून अधिक खासदार एकनाथ शिंदे यांच्या संपर्कात असल्याची माहिती सूत्रांनी दिली आहे.
सर्वात मोठी बातमी! आमदारांनंतर आता शिवसेनेचे खासदारही फुटणार?  सूत्रांची माहिती
Uddhav ThackeraySaam TV

मुंबई : मुख्यमंत्री उद्धव ठाकरे (CM Uddhav Thackeray) यांच्या भावनिक आवाहनानंतरही शिवसेनेत फुट सुरूच आहे. शिवसेनेला लागलेली गळती काही कमी व्हायचं नाव घेत नाहीये. आता काहीच वेळापूर्वी शिवसेनेचे (Shivsena) चार आमदार गुवाहाटीमध्ये दाखल झाल्याची माहिती समोर आली होती. आता 10 हून अधिक खासदार एकनाथ शिंदे (Eknath Shinde) यांच्या संपर्कात असल्याची माहिती सूत्रांनी दिली आहे. त्यामुळे आमदारांपाठोपाठ आता खासदारही फुटत असल्याने उद्धव ठाकरे यांच्यासमोरील अडचणी आणखीच वाढल्या आहेत. (Eknath Shinde Latest News)

Uddhav Thackeray
ईडीच्या भीतीने आमदार पळाले; यामागे भाजपचंच कारस्थान; संजय राऊतांचा थेट आरोप

सूत्रांनी दिलेल्या माहितीनुसार, खासदार श्रीरंग बारणे, संजय जाधव, भावना गवळी यांच्यासह जवळपास 10 हून अधिक खासदार एकनाथ शिंदे यांच्या संपर्कात असल्याची माहिती सूत्रांनी दिली आहे. विशेष बाब म्हणजे मुख्यमंत्री उद्धव ठाकरे यांनी फेसबुक लाईव्हद्वारे शिवसेना नेत्यांना भावनिक आवाहन केलं होतं. मात्र उद्धव ठाकरे यांच्या आवाहनानंतरही शिवसेनेत फूट सुरूच आहे. जवळपास 18 पैकी 10 आमदार एकनाथ शिंदे यांच्या संपर्कात असल्याने आता उद्धव ठाकरे यांच्यासमोरील अडचणीत आणखीच वाढ झाली आहे.

एकनाथ शिंदे यांचे चिरंजीव श्रीकांत शिंदे यांचा सुद्धा या खासदारांमध्ये समावेश असल्याची माहिती आहे. याशिवाय श्रीरंग बारणे, भावना गवळी, संजय जाधव यांच्यासह 10 हून अधिक आमदार एकनाथ शिंदे यांच्या संपर्कात आहेत. त्यामुळे आता शिवसेनेत कोण उरणार? याचीच चर्चा सुरू झाली आहे. कारण सगळेच आमदार खासदार शिंदे गटात सामील होत असल्याचे दिसून येत आहेत.

Uddhav Thackeray
मोठी बातमी! धनुष्यबाणाचं चिन्ह मिळवण्यासाठी एकनाथ शिंदे निवडणूक आयोगाकडे करणार अर्ज

दरम्यान, शिवसेनेकडे एकूण 55 आमदार होते. या आमदारांमध्ये आपल्याच नेतृत्वाविरोधात खदखद होती. मुख्यमंत्री कुणालाच भेटत नसल्याचा या आमदारांचा दावा होता. त्यामुळे हे आमदार मुख्यमंत्र्यांवर नाराज होते. विधान परिषद निवडणुकीनंतर हे आमदार एकनाथ शिंदे यांच्यासोबत सुरतला गेले.

शिंदे यांच्यासोबत सुरुवातीला 13 आमदार होते. नंतर हा आकडा वाढून 22 आणि नंतर 35 झाला. शिंदे यांच्या बंडानंतरही शिवसेनेसोबत काही आमदार होते. गुलाबराव पाटील, सदा सरवणकर, दीपक केसरकर, सदा सरवणकर आणि मंगेश कुडाळकर हे आमदारही शिंदे यांना जाऊन मिळाले आहेत. त्यामुळे शिवसेना अधिकच कमकुवत झाली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com