Rajya Sabha Election: महाविकास आघाडीतला एक संजय नक्की जाणार; अनिल बोंडेंचा रोख नेमका कोणाकडे?

भाजपाचे उमेदवार अनिल बोंडे यांनी राज्यसभा निवडणुकीत आपण १०० टक्के विजयी होऊ असा विश्वास व्यक्त केला आहे.
Rajya Sabha Election: महाविकास आघाडीतला एक संजय नक्की जाणार; अनिल बोंडेंचा रोख नेमका कोणाकडे?
Anil Bonde SaamTv

मुंबई - राज्यसभेच्या (Rajya Sabha Election) सहा जागांसाठी आज मतदान होणार आहे. २४ वर्षानंतर राज्यात राज्यसभेच्या निवडणुकीत अशा प्रकारे मतदान होत असल्याने कमालीची चुरस निर्माण झाली आहे. या निवडणुकीत घोडेबाजार होणार असा आरोप सत्ताधाऱ्यांसह विरोधकांनी एकमेकांवर केला. दरम्यान यावेळी भाजपाचे उमेदवार अनिल बोंडे यांनी मोठं विधान केलं आहे.

भाजपाचे (BJP) उमेदवार अनिल बोंडे(Anil Bonde) यांनी राज्यसभा निवडणुकीत आपण १०० टक्के विजयी होऊ असा विश्वास व्यक्त केला आहे. आमच्या मनात अजिबात धाकधूक नाही. महाभारतात ज्याप्रमाणे अश्वत्थामा गेला तसं या निवडणुकीत कुणीतरी एक संजय जाणार हे नक्की असे देखील बोंडे यावेळी म्हणाले.

हे देखील पाहा -

यावेळी अनिल बोंडे यांना संजय राऊत जाणार का? असा प्रश्न विचारण्यात आलं असता ते म्हणाले की, कोणता अश्वत्थामा गेला होता हे देखील धर्मराजाने त्यावेळी सांगितले नव्हते. त्यामुळे कोणता संजय जाणार हे मी सांगणार नाही, ते लवकरच कळेल असे उत्तर अनिल बोंडे यांनी यावेळी दिले.

महाविकास आघाडीतील एकुणीतरी एक संजय जाणार हे नक्की आहे. कोण ते ५.३० वाजता कळेल असे व्यक्तव्य त्यांनी यावेळी केलं. संध्याकाळी कोणत्या संजयला समजवण्यासाठी जातील ते पाहूयात असा टोलाही त्यांनी लगावला. तसंच भाजपाचे तिन्ही उमेदवार १०० टक्के विजयी होणार. कारण देवेंद्र फडणवीस यांचा धाक आहे असे देखील त्यांनी सांगितले.

Anil Bonde
औरंगाबादकरांनो काळजी घ्या! शहरात ४ दिवसांत १५ जणांना कोरोनाची लागण

दरम्यान, राज्यसभेसाठी शिवसेनेकडून संजय पवार आणि संजय राऊत या दोघांना उमेदवारी देण्यात आली आहे. त्यामुळे अनिल बोंडे यांचा रोख नेमका कोणाकडे याची चर्चा आता सर्वत्र सुरु झाली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com