Pune Byelection : भाजपने कसब्याच्या पोटनिवडणुकीसाठी खासदार गिरीश बापट स्वत: प्रचारात उतरले आहेत. गिरीष बापट यांची तब्येत ठिक नसतानाही ते प्रचारात उतरले आहेत. मात्र त्यांना व्हीलचेअरवर पाहून महिला कार्यकर्त्यांना अश्रू अनावर झाले. गिरीश बापट यांना प्रचारात उतरवण्यावरून भाजपवर विरोधकांनी जोरदार टीकाही केली आहे.
गिरीश बापट यांनी परवाच आजारपणामुळे मी प्रचारात सहभागी होणार नाही असं निवेदन जाहीर केलं होतं. मात्र आज त्यांना प्रचारात उतरावं लागतं आहे. भाजपचे उमेदवार हेमंत रासणे यांच्या प्रचारासाठी गिरीश बापट यांना अॅम्बुलन्सने व्हीलचेअर आणण्यात आलं. यावेळी त्यांना ऑक्सिजन लावला असल्याचंही दिसत आहे. (Political News)
गिरीश बापट येताच, ‘पुण्याची ताकद, गिरीश बापट ‘ अशा घोषणा कार्यकर्त्यांकडून देण्यात आल्या. कसबा भाजपा जिंकणार हा विश्वास यावेळी बापटांनी व्यक्त केला. कसब्याने माझ्या कारकिर्दीला आकार दिला आहे. कसब्याने भाजपाला कायम साथ दिली आहे. कसबा म्हणजे भाजप, असं त्यांनी म्हटलं.
खूप दिवसांनी सर्वांना भेटलो. खूप काम करा. हेमंतचं काम चांगलं आहे. लोकांपर्यंत पोहोचण्याची गरज आहे. थोडी जास्त ताकद लावा विजय आपलाच आहे. काळजी करु नका, असं गिरीश बापट यांनी म्हटलं.गिरीश बापट बोलत असताना त्यांना दम देखील लागत होता. मात्र आपल्या लाडक्या नेत्यांला असा अवस्थेत पाहून उपस्थित महिला कार्यकर्त्यांना अश्रू अनावर झाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
