सुशांत सावंत -
मुंबई: इतका निर्लज्जपणा मी कधीच पहिला नाही. नवाब मलिकांची खाती काढता मग राजीनामा का घेत नाहीत, असा सवाल भाजप नेते गिरीश महाजन यांनी महाविकास आघाडीला केला आहे. तसेच, मग काम जेलमधूनच करा की, अशी खोचक टिप्पणीही त्यांनी केली. ते जेलमध्ये राहिले, तरी आम्ही त्यांना राजीनामा द्यायला लावणार नाही अशी यांची भूमिका आहे, असंही ते म्हणाले (BJP leader Girish Mahajan slams Shivsena over Nawab Malik case).
इतके वाईट दिवस शिवसेनेचे कधीही आलेली नाही - महाजन
शिवसेना (Shivsena) नवाब मलिक (Nawab Malik) जिंदाबाद म्हणत आहेत. इतके वाईट दिवस शिवसेनेचे कधीही आलेली नाही. आमची फक्त खुर्ची काढू नका, एवढं धोरण शिवसेनेचे आहे, असं म्हणत गिरीश महाजनांनी (Girish Mahajan) शिवसेनेवर जोरदार टीका केलीये. तसेत, राज्यभरात शिवसेनेने फिरावं आणि लोक काय म्हणतात ते ऐकावं, असा सल्लाही त्यांनी शिवसेनेला दिलाय.
आज राज्यात विजेचा प्रश्न गंभीर आहे. राज्यात विदारक परिस्थिती आहे. सभागृह बंद पाडले तरी काहीच यांना देणे घेणे नाही, असा आरोपही त्यांनी केलाय.
हे भाई लोकांचे राज्य आहे - गिरीश महाजन
पोलिसांना गल्लीतल्या दादाकडे पैसे काढून घेण्यासाठी विनवण्या कराव्या लागत आहेत. हे भाई लोकांचे राज्य आहे. आता पोलिसांना भाई लोकांचे पाय धरावे लागत आहेत. जसा राजा तशी प्रजा. आता बदल्यांचे लिलाव सुरु आहेत. अधिकारी जेलमध्ये आहेत, असं महाजन नितीन नांदगांवकर (Nitin Nandgaonkar) प्रकरणावर बोलले.
Edited By - Nupur Uppal
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.