भाजपाने एका व्यंगचित्रकाराचा गळा घोटला; संजय राऊतांचे टीकास्त्र

कोणी कितीही भोंगे वाजवले तरी शिवसेनेला (Shivsena) फरक पडत नाही. मशिदीवरील भोंग्यांच्या राजकारणामुळे आज हिंदुंना देखील त्रास होतोय.
भाजपाने एका व्यंगचित्रकाराचा गळा घोटला; संजय राऊतांचे टीकास्त्र
Sanjay Raut/Raj ThackeraySaam TV

मुंबई : बाळासाहेब ठाकरे (Balasaheb Thackeray) हे आधी प्रसिद्ध व्यंगचित्रकार म्हणून प्रसिद्धीस आले. बाळासाहेबांनी व्यंगचित्राच्या माध्यमातून फटकारे मारले, त्यांना कोणत्याही भोंग्याची गरज लागली नाही. बाळासाहेब ठाकरे यांची व्यंगचित्र कला पुढे जाईल असा आम्हाला वाटलं होतं. मात्र, दुर्दैवाने भारतीय जनता पक्षाने त्या व्यंगचित्र कलेचा गळा घोटला आहे. असं म्हणत शिवसेना नेते संजय राऊत (Sanjay Raut) यांनी राज ठाकरेंसह भाजपवर निशाणा साधला. जागतिक व्यंगचित्रकला दिनाचं निमित्त साधत ते आज मुंबईत पत्रकारांशी बोलत होते.

ते पुढे म्हणाले, कोणी कितीही भोंगे वाजवले तरी शिवसेनेला (Shivsena) फरक पडत नाही. मशिदीवरील भोंग्यांच्या राजकारणामुळे आज हिंदुंना देखील त्रास होत असल्याने लाखो हिंदुंनी नाराजी व्यक्त केली आहे. अनेक मंदिरांमध्ये काकड आरती होऊ शकलेली नाही. त्यामुळे राज यांनी सुरू केलंलं मशिदीवरील भोंग्यांचं राजकारण हिंदुंच्याच गळ्याशी आलं असल्याचंही राऊत म्हणाले.

हे देखील पाहा -

दरम्यान, संघटनात्मक बांधणीसाठी आम्ही दौरे करतो, कालच्या ज्या प्रकारचा निकाल सर्वोच्च न्यायालयाने दिला आहे त्यानुसार १८ महानगरपालिकांच्या निवडणूका तात्काळ घेण्याच्या सूचना असून त्यासाठीची पूर्वतयारी ही चालूच होती. मात्र आता वेगाने पावले टाकावी लागतील. जे कार्यक्रम पूर्वनियोजित आहेत ते आम्ही करत आहोत. १४ तारखेला बीकेसीमध्ये शिवसेनेची मोठी सभा आहे. त्यानंतर संभाजीनगरला ८ तारखेला सभा आहे त्याची तयारी सुरू असल्याचंही राऊत यांनी सांगितलं.

बाळासाहेबांची व्यंगचित्रकला राज ठाकरेंच्या माध्यमातून पुढे जाईल असं वाटलं होतं पण भाजपानं राज ठाकरेंमधील कलेचा गळा घोटला, असा टोला राऊतांनी राज यांच्यासह भाजपला लगावला. तसंच जेव्हा सोशल मीडिया, टेलिव्हिजन नव्हते त्याकाळी व्यंगचित्रकारांची ताकद होती. शंभर संपादकीयमध्ये जी ताकद नाही ती एका कार्टुनमध्ये होती असही ते म्हणाले.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com