भाजपवाल्यांना माझ्यावर अटॅक करण्याची संधी मिळणार नाही; सुषमा अंधारे यांचा हल्लाबोल

शिवसेनेला माझी गरज आहे आणि महाराष्ट्राला शिवसेनेची गरज आहे. हा महाराष्ट्र दिल्लीच्या तख्तासमोर कधी झुकला नाही झुकणार नाही.
Sushma Andhare
Sushma Andhare Saam TV

मुंबई : एकनाथ शिंदे (Eknath Shinde) गटाच्या बंडखोरी नंतर शिवसेनेला मोठे भगदाड पडले. अनेक आमदार, खासदारांसह अनेक नगरसेवक हे शिंदे गटात सामील झाले. मात्र, या परिस्थितीला छेद देत सामाजिक कार्यकर्त्या सुषमा अंधारे (Sushma Andhare) यांनी आज शिवसेना पक्षप्रमुख उद्धव ठाकरे (Uddhav Thackeray) यांच्या उपस्थितीत शिवसेनेत प्रवेश करणार आहेत.

सामाजिक कार्यकर्ते, फुले आंबेडकर विचारांनी प्रेरित अशी सुषमा अंधारे यांची ओळख आहे. सद्याची परिस्थिती पाहता या परिस्थितीला छेद देत सुषमा अंधारे यांचा हा पक्षप्रवेश महत्वाचा मानला जात आहे.

पाहा व्हिडीओ -

या सर्व पार्श्वभूमिवर सुषमा अंधारे माध्यमांशी संवाद साधला यावेळी बोलताना त्या म्हणाल्या, 'संविधनिक चौकट मानणारे धर्मनिर्पेक्ष लोक, झुंज देणाऱ्या उद्धवजी सोबत असले पाहिजेत. माझी पाटी कोरी आहे, माझ्यावर कोणत्याही केसेस नाहीत.

भाजपवाल्यांना माझ्यावर अटॅक करण्याची संधी मिळणार नाही. मी कोणत्याही आमिषाला जाऊन हा निर्णय घेतलेला नाही. माझी सद्सद्विवेक बुध्दी जागी ठेऊन हा निर्णय घेतला आहे. तुमचा सो कॉल्ड हिंदुत्ववाद हा केतकी, कंगना, नुपूर शर्माचा (Nupur Sharma) भंपक आहे. मला आंनद आहे की, माननीय उद्धव ठाकरे या भ्रमात नाही.

Sushma Andhare
संजय राऊतांच्या सत्तांतराच्या वक्तव्यावर एकनाथ शिंदेंच प्रत्युत्तर, म्हणाले...

या परिस्थितीत मला असे वाटते, शिवसेनेला माझी गरज आहे आणि महाराष्ट्राला शिवसेनेची गरज आहे. हा महाराष्ट्र दिल्लीच्या तख्तासमोर कधी झुकला नाही झुकणार नाही, ही मान ताट ठेवण्यासाठी हा पक्ष प्रवेश करणार असल्याचं ते यावेळी म्हणाले.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com