Mumbai News: महाराष्ट्र स्वाभिमान रिपब्लिकन पक्षाचे संस्थापक, आंबेडकरी चळवळीचे नेते, माजी नगरसेवक मनोज संसारे यांचं शुक्रवारी रात्री दीर्घ आजाराने निधन झाले. त्यांच्या पश्चात एक मुलगा, मुलगी आणि पत्नी असा परिवार आहे. (Latest Marathi News)
महाराष्ट्र स्वाभिमान रिपब्लिकन पक्षाचे संस्थापक आणि राज्यातील आंबेडकरी चळवळीतील नेते यांचं दीर्घ आजाराने निधन झालं. दलित पँथरचे नेते भाई संगारे यांचे निकटवर्तीय म्हणून मनोज संसारे यांची ओळख होती.
मनोज संसारे यांची झुंजार नेते म्हणून लोकांमध्ये ओळख होती. संसारे यांनी 'महाराष्ट्र स्वाभिमान रिपब्लिकन पक्ष' स्थापन केला होता. मनोज संसारे यांच्या निधनाने आंबेडकरी चळवळीवर शोककळा पसरली आहे.
मनोज संसारे गेल्या वर्षभरापासून आजारी होते. मनोज संसारे हे मुंबई महापालिकेचे माजी नगरसेवक होते. तसेच 'युथ रिपब्लिकन पार्टी'चे राष्ट्रीय अध्यक्ष होते.
मनोज संसारे यांच्या निधनानंतर अनेक राजकीय नेत्यांनी त्यांना श्रद्धांजली वाहिली आहे. मनोज संसारे यंच्या निधनानंतर राजकीय क्षेत्रातही हळहळ व्यक्त करण्यात येत आहे. राष्ट्रवादीचे आमदार जितेंद्र आव्हाड यांनी ट्विट करत संसारे यांनी श्रद्धांजली वाहिली.
जितेंद्र आव्हाड श्रद्धांजली वाहताना म्हणाले, 'बाबासाहेब आंबेडकरांच्या विचारांच्या पताका खांद्यावर घेवून अन्यायाविरोधात अग्रेसर भूमिका मांडणारे नेते व मुंबई महानगर पालिकेचे माजी नगरसेवक मनोज भाई संसारे यांचं आज दुःखद निधन झालं. संसारे कुटुंबियांच्या दुःखात सहभागी आहोत.भावपूर्ण श्रद्धांजली'.
काँग्रेसचे वरिष्ठ नेते, माजी खासदार डॉ. भालचंद्र मुणगेकर श्रद्धांजली वाहताना म्हणाले, आंबेडकरी चळवळीतील एक झुंजार सेनानी, माझा हितचिंतक आणि पाठीराखा मनोजभाई संसारे यांचे आज दुःखद निधन झाले. त्यांना माझी भावपूर्ण श्रद्धांजली'.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
