Bogus Promotion Scam: महसूलच्या वरिष्ठ अधिकाऱ्यांना मिळाली बोगस पदोन्नती! (व्हिडिओ)

महसूल खात्यातील पाच वरीष्ठ अधिकाऱ्यांना बनावट पदोन्नतीच्या आदेशाने प्रमोशन देण्यात आल्याचा धक्कादायक प्रकार समोर आलाय. या प्रकरणी महसूल विभागाच्या अवर सचिवांनीचं बोगस शासन आदेश प्रकरणी तक्रार दाखल केली आहे.
Bogus Promotion Scam: महसूलच्या वरिष्ठ अधिकाऱ्यांना मिळाली बोगस पदोन्नती!
Bogus Promotion Scam: महसूलच्या वरिष्ठ अधिकाऱ्यांना मिळाली बोगस पदोन्नती!- Saam TV

नाशिक : महसूल खात्यातील पाच वरीष्ठ अधिकाऱ्यांना बनावट पदोन्नतीच्या आदेशाने प्रमोशन देण्यात आल्याचा धक्कादायक प्रकार समोर आलाय. या प्रकरणी महसूल विभागाच्या अवर सचिवांनीचं बोगस शासन आदेश प्रकरणी तक्रार दाखल केली असून मरीन ड्राईव्ह पोलीस ठाण्यात (Marine Drive Police Station Mumbai) यासंदर्भात गुन्हा (Crime) दाखल करण्यात आलाय. (Bogus promotion scam in maharashtra revenue department)

महसूल विभागातील (Revenue Department) वरिष्ठ अधिकाऱ्यांची बनावट आदेशाद्वारे पदोन्नती करण्यात आल्याचं उघड झालंय. 6 जानेवारीला हे बोगस आदेश काढण्यात आले. शासन (Maharashtra Government) परिपत्रक आणि आदेशानुसार हुबेहूब संपूर्ण माहितीनिशी हा आदेश काढण्यात आला असला तरी भारतीय प्रशासकीय सेवेत अपर जिल्हाधिकारी संवर्गाला पदोन्नतीनं नियुक्ती देणं, हा विषय महसूल विभागाशी संबंधित नाही.

Bogus Promotion Scam: महसूलच्या वरिष्ठ अधिकाऱ्यांना मिळाली बोगस पदोन्नती!
PM Modi Security Breach: पंतप्रधानांच्या हत्येचाच प्लॅन होता; किरण बेदींचा गंभीर आरोप

भारतीय प्रशासकीय सेवेत पदोन्नतीचे अधिकार सामान्य प्रशासन विभागाशी संबंधित आहेत. त्यामुळे अपर जिल्हाधिकारी संवर्गातील 5 अधिकाऱ्यांना भारतीय प्रशासकीय सेवेत समायोजित करून पदोन्नती कोट्यातील रिक्त पदांवर पदस्थापनेबाबतचा आदेशच बोगस असल्याचं उघड झालंय.

बनावट आदेशाने पदोन्नती असा आहे प्रकार

  • - महसूल मंत्र्यांच्या कार्यालयातील अपर जिल्हाधिकारी रामदास खेडकर यांची पदोन्नतीनं प्रधान खासगी सचिव महसूल या पदावर

  • - उन्मेष महाजन यांची गोंदिया जिल्हाधिकारी पदी

  • - ठाणे महापालिका अतिरिक्त आयुक्त संकेत चव्हाण यांची त्याचं ठिकाणी पदोन्नती

  • - अमरावतीच्या अपर जिल्हाधिकारी मनीषा वाजे यांची अमरावती महापालिकेच्या अतिरिक्त आयुक्तपदी

  • - तर भंडारा जिल्ह्याचे अपर जिल्हाधिकारी धनंजय निकम यांची त्याचं ठिकाणी जिल्हाधिकारी पदावर नियुक्ती करण्यात आल्याचे आदेश काढण्यात आले.

महसूल मंत्रालयानेचं महसूल विभागातील बोगस आदेश उघड केल्यानं महसूल विभागात खळबळ उडालीय. आता या प्रमोशनच्या बोगस आदेशामागे नेमकं सूत्रधार कोण आहे? हे शोधण्याचं आव्हान पोलिसांसमोर असून या प्रकरणी पोलीस तपासात नेमकं काय सत्य समोर येतंय, हे पाहणं महत्वाचं ठरेल.

Edited By - Amit Golwalkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com