Pune: सचिन शिंदेच्या हत्येचा बदला हत्येने! मुलाची चूक, बाप-लेकाचा गेला जीव

शहरात तसेच पिंपरी-चिंचवड (Pimpri Chinchwad) भागातील गुन्हेगारीच्या घटना वाढतच चालल्या आहेत. पुण्यात पुन्हा एकदा हत्याकांडाने शहर हादरले आहे.
Lonikand Police Station
Lonikand Police StationSaam Tv

पुणे : शहरात तसेच पिंपरी-चिंचवड (Pimpri Chinchwad) भागातील गुन्हेगारीच्या घटना वाढतच चालल्या आहेत. पुण्यात पुन्हा एकदा हत्याकांडाने शहर हादरले आहे. हत्या प्रकरणात जामिनावर बाहेर आलेल्या एका आरोपी आणि त्याच्या वडिलांवर हल्ला करण्यात आल्याची घटना घडली आहे. धारदार शस्त्र आणि दगडाने ठेचल्यामुळे दोघांचाही मृत्यू झाला आहे. पुण्यातील लोणीकंद (Lonikand) परिसरात ही घटना घडली आहे. (Boy and his father killed by group of 6 people in Lonikand of Pune)

या हत्याकांडबद्दल मिळालेल्या माहितीनुसार, सनी शिंदे आणि कुमार शिंदे अशी मृतकांची नावे आहेत. काही महिन्यांपूर्वी सचिन शिंदे (Sachin Shinde) या तरुणाची हत्या झाली होती. या हत्या प्रकरणात सनी शिंदे हा आरोपी होता आणि तो अटकेतही होता. नुकताच सनी शिंदे हा जामीनावर (Bail) बाहेर आला होता. जामीनावर बाहेर आलेल्या सनी शिंदे याचा टोळक्याने हत्या केली आहे. (Pune Crime News)

हे देखील पहा-

काय घडलं नेमकं?

सनी शिंदे हा बुधवारी सायंकाळच्या सुमारास आपल्या घराकडे निघाला होता. त्यावेळी एका टोळक्याने त्याला गाठले आणि त्याच्यावर हल्ला चढवला. तसेच शस्त्राने सनी शिंदे याच्यावर सपासप वार केले. इतकेच नाही तर जखमी झालेल्या सनीला टोळक्याने दगडाने ठेचले. हे पाहून सनीचे वडील कुमार शिंदे हे त्याच्या बचावासाठी आले, यावेळी संतप्त झालेल्या टोळक्याने त्यांच्यावरही हल्ला केला. (Crime Latest & Breaking News Marathi)

Lonikand Police Station
UP Elections 2022: नवाब मलिक घेणार सपा नेते अखिलेश यादव यांची भेट...

या हल्ल्यात सनी शिंदे आणि आणि त्याचे वडील कुमार शिंदे हे दोघेही गंभीररित्या जखमी झाले होते, त्यात त्या दोघांचाही मृत्यू झाला. या घटनेची माहिती मिळताच पोलीस गजानन पवार (Pune Police) घटनास्थळी दाखल झाले आणि पोलीस पुढील तपास सुरू केला.

मिळालेल्या माहितीनुसार, काही महिन्यांपूर्वी झालेल्या सचिन शिंदे या तरुणाच्या हत्या प्रकरणातून सनी शिंदे आणि कुमार शिंदे यांची हत्या झाली आहे. सचिन शिंदे याच्या हत्या प्रकरणात सनी शिंदे हा अटकेत होता. सचिन शिंदे याच्या हत्येचा बदला घेण्यासाठी त्याच्या मित्रांनी सनी शिंदे याच्यावर हल्ला चढवला. यात बाचावासाठी गेलेल्या त्याच्या वडिलांचाही यात मृत्यू झाला. मात्र, हल्लेखोर पसार झाले असून त्यांचा शोध सुरू आहे. (Crime news marathi)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com