अंबरनाथ : बिर्याणीच्या दुकानात काम करणाऱ्या एका १६ वर्षीय अल्पवयीन मुलावर त्याच्याच मालकाने अनैसर्गिक अत्याचार केल्याची धक्कादायक घटना अंबरनाथमध्ये घडली आहे. याप्रकरणी नराधम मालकाला शिवाजीनगर पोलिसांनी बेड्या ठोकल्या आहेत. अंबरनाथ पूर्वेच्या शिवाजीनगर परिसरात हाजीअली केटरर्स नावाचं बिर्याणीचं दुकान आहे. या दुकानात एक १६ वर्षांचा मुलगा काम करतो.
हे देखील पहा :
हा मुलगा चार दिवसांपूर्वी रात्रीच्या वेळी दुकानात झोपलेला असताना दुकान मालक उमर खान याने दुकानात येऊन त्याच्यावर जबरदस्तीने अनैसर्गिक अत्याचार केला. यानंतर पीडित मुलाने गावी असलेल्या आपल्या आईला फोन वरून याची माहिती दिली. त्यावरून मुलाच्या आईने मालक उमर खान याला याचा जाब विचारला असता त्याला राग आल्यानं त्यानं पीडित मुलाचं डोकं भिंतीवर आपटत त्याला जबर मारहाण केली. ज्यात या मुलाचे दोन दातही पडले.
दुसऱ्या दिवशी बिर्याणीच्या दुकानात आलेल्या एका ग्राहकाने पीडित मुलाला तुझा चेहरा का सुजला आहे? याबाबत विचारणा केली असता मुलाने त्याला आपल्यासोबत घडलेला प्रकार सांगितला. या ग्राहकाने शिवाजीनगर पोलिसांना याबाबतची माहिती दिल्यानंतर पोलिसांनी पॉस्को कलमांतर्गत गुन्हा दाखल करून आरोपी उमर खान याला तत्काळ बेड्या ठोकल्या. त्याला न्यायालयात हजर केलं असता न्यायालयानं त्याला २० नोव्हेंबरपर्यंत पोलीस कोठडी सुनावली आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.