डोंबिवली : कल्याण जवळील विठ्ठलवाडी येथे बहिणीकडे आलेल्या किशोर सावरे यांना दोन व्यक्तींनी लोखंडी पाईपने जबर मारहाण केल्याची घटना सोमवारी घडली होती. याप्रकरणी दोन जणांविरोधात कोळसेवाडी पोलीस ठाण्यात दाखल झाला होता. या गुन्ह्यांचा तपास कल्याण गुन्हे शाखा घटक 3 चे पथक करीत होते. यातील एका आरोपी किरण जाधव (वय 30) यास कल्याण रेल्वे स्थानकातून गुन्हे शाखेने अटक केली आहे. आरोपीस कोळसेवाडी पोलिसांकडे सुपूर्द करण्यात आले असून यातील दुसऱ्या आरोपीचा शोध सुरू आहे.
हे देखील पहा :
किशोर सावरे हे सोमवारी वांगणी वरून विठ्ठलवाडी येथे बहिणीकडे आले होते. रेल्वे स्थानकाजवळील पार्किंग परिसरातून जात असताना दोन जणांनी त्यांच्यावर हल्ला चढवला. लोखंडी रॉडने त्यांना जबर मारहाण करण्यात आली होती. त्यांच्या फिर्यादीवरून कोळसेवाडी पोलीस ठाण्यात गुन्हा दाखल करण्यात आला. कल्याण गुन्हे शाखा घटक 3 चे पोलीस अधिकारी व अंमलदार यांनी सखोल माहिती काढली असता कोपर स्टेशन जवळ साई सिद्धी झोपडपट्टी मध्ये संशयित किरण रहात असल्याची माहिती मिळाली.
त्याचा शोध घेतला असता कल्याण स्टेशन परिसरातून त्याला अटक करण्यात आली. त्याच्याकडे चौकशी केली असता टिळकनगर, कोळशेवाडी, डोंबिवली, मानपाडा, बाजारपेठ आणि दादर पो.ठाणे येथील दाखल 8 गुन्ह्यांचा उलगडा झाला असल्याची माहिती दिली. आरोपीस कोळसेवाडी पोलिसांकडे सुपूर्द करण्यात आले असून यातील दुसऱ्या आरोपीचा शोध सुरू आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.