Carnac Bridge Demolition: १५० वर्ष जुना कर्नाक ओव्हर ब्रिजच्या पाडकामाला सुरूवात; पुण्याहून मुंबईसाठी ४० जादा बसेस

Mumbai Latest News: सोमवारी पहाटे रेल्वे वाहतूक सुरळीत होईल, अशी अपेक्षा मध्य रेल्वेने व्यक्त केली आहे.
Carnac Bridge Demolition
Carnac Bridge DemolitionSaam TV

सचिन जाधव, पुणे

Carnac Bridge Demolition: १५० वर्ष जुना असलेला मुंबईतील ब्रिटीशकालीन कर्नाक ओव्हर ब्रिज हटवण्याचे काम मध्य रेल्वेने (Central Railway) सुरू केले आहे. शनिवारी रात्री ११ वाजता हा ब्रिज हटवण्याचे काम सुरु करण्यात आले. त्यामुळे एसटी महामंडळाकडून आज, रविवारी पुण्याहून मुंबईकडे येण्यासाठी ४० ज्यादा बसेस सोडण्यात आल्या आहेत. (Mumbai Latest News)

Carnac Bridge Demolition
Virar : संतापजनक! तरुणीची हत्या करून मृतदेहावर अत्याचार; आरोपी अटकेत

आज, २० नोव्हेंबरला मस्जिद बंदर स्थानकाजवळील सुमारे १५० वर्ष जुना असलेला कर्नाक ओव्हर ब्रिज हटवण्याचे काम मध्य रेल्वेने (Central Railway) सुरू केले आहे. यासाठी २७ तासांच्या मेगा पॉवर ब्लॉक दरम्यान मध्य रेल्वे वरील भायखळा ते सीएसएमटी आणि हार्बर मार्गावरील वडाळा ते सीएसएमटी दरम्यान रेल्वे वाहतूक ही संपूर्ण बंद असणार आहे.

तसेच या दोन दिवसातील तब्बल ३६ लांब पल्याचा गाड्या आणि जवळपास ११०० लोकल गाड्यांच्या फेऱ्या देखील रद्द करण्यात आल्या आहेत. तर अनेक गाड्यांचे वेळापत्रक बदलण्यात आले आहे. सोमवारी पहाटे रेल्वे वाहतूक सुरळीत होईल, अशी अपेक्षा मध्य रेल्वेने व्यक्त केली आहे.

ब्लॉक कालावधी

अप आणि डाउन धिम्या मार्गावर: शनिवार दि. १९.११.२०२२ रोजी रात्री ११ वाजल्यापासून ते रविवार दि. २०.११.२०२२ रोजी दुपारी ४ वाजेपर्यंत मेगा ब्लॉक असणार आहे. या ठिकाणी तब्बल १७ तासांचा ब्लॉक असणार आहे.

अप आणि डाउन जलद मार्गावर: शनिवार दि. १९.११.२०२२ रोजी रात्री ११ वाजल्यापासून ते रविवार दि. २०.११.२०२२ रोजी दुपारी ४ वाजेपर्यंत मेगा ब्लॉक असणार आहे. या ठिकाणी तब्बल १७ तासांचा ब्लॉक असणार आहे.

अप आणि डाउन हार्बर मार्गावर: शनिवार दि. १९.११.२०२२ रोजी रात्री ११ वाजल्यापासून ते रविवार दि. २०.११.२०२२ रोजीच्या रात्री ८ वाजेपर्यंत मेगा ब्लॉक असणार आहे. या ठिकाणी तब्बल २१ तासांचा ब्लॉक असणार आहे.

Carnac Bridge Demolition
Mumbai local : मुंबईत रविवारी २७ तासांचा मेगा पॉवर ब्लॉक; जाणून घ्या पर्यायी मार्ग

पुण्याहून मुंबईसाठी आज एसटीच्या ४० जादा बसेस

दरम्यान, पुण्याहून मुंबईकडे जाणाऱ्या रेल्वे आज बंद आहेत. त्यामुळे मध्य रेल्वेच्या मुंबई एसटी महामंडळाने जादा बसेस सोडण्याचा निर्णय घेतला आहे. पुण्याहून मुंबईला येण्यासाठी आज, रविवारी एसटीच्या ४० जादा बसेस सोडण्यात येणार आहेत. पुणे-मुंबई रेल्वे मार्गावरील 36 रेल्वे आज रद्द करण्यात आल्या आहेत, मात्र प्रवाशांच्या सोयीसाठी एसटी महामंडळाच्या 40 बसेस सज्ज आहेत.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com