Chhagan Bhujbal On ED: भाजप ईडी, सीबीआयचा वापर करतंय; भुजबळांचा आरोप

लढाई आपण जनतेच्या कोर्टात करुया पण तुम्ही शिखंडी सारखे ईडी मागून खेळू नका, असं भुजबळ म्हणाले.
Chhagan Bhujbal On ED: भाजप ईडी, सीबीआयचा वापर करतंय; भुजबळांचा आरोप
Chhagan Bhujbal On EDSaam Tv

मुंबई: शिवसेना खासदार संजय राऊत (Sanjay Raut) यांच्या संपत्तीवर काल ईडीने टाच आणली आहे. ईडीनं राऊत यांची अलिबाग आणि मुंबईतील दादर येथील संपत्ती जप्त केली. ईडीकडून (ED) राज्यातील महाविकास आघाडीच्या नेत्यांवर कारवाया सुरू आहेत. यावर आज मंत्री छगन भुजबळ (Chhagan Bhujbal) यांनी प्रतिक्रीया दिली. भाजप सध्या रडीचा डाव खेळत आहे. भाजप ईडी आणि सीबीआयचा वापर करत असल्याचा आरोपही मंत्री भुजबळ यांनी केला.

राजकारणात रडीचा डाव खेळायचा हे भाजपने (BJP) ठरवले आहे. लढाई आपण जनतेच्या कोर्टात करुया पण तुम्ही शिखंडी सारखे ईडी (ED) मागून खेळू नका. तुम्हाला सत्तेत यायचे असेलतर जनतेत जा. आम्ही केलेल्या चुका जनतेला दाखवा. जनता ठरवेल काय करयचं. भाजप केंद्रीय तपास यंत्रणांचा वापर करत असल्याचा आरोप छगन भुजबळ (Chhagan Bhujbal) यांनी भाजपवर केला.

सरकार येत जात पण आम्ही काम करत राहिलो. तुम्हा सरकारच्या त्रुटी दाखवा पण वैयक्तीक आरोप का करता. शंजय राऊत यांनी कितीतरी आरोप केले आहेत. पण त्यांच कोण ऐकत नाही. आमचे दोन मंत्री सध्या तुरुंगात आहेत. जो भाजप (BJP) विरोधात बोलतो त्याला टार्गेट केलं जात. जे शांत बसतात त्यांना काही करत नाहीत, असही भुजबळ म्हणाले.

मनसे अध्यक्ष राज ठाकरे (Raj Thackeray) यांनी पाडवा मेळाव्यात केलेल्या टीकेवर बोलताना भुजबळ म्हणाले, त्यांना ईडीने बोलवले तेव्हापासून ते शांत झाले आहेत. तेव्हा पेपरमध्ये येत होत कोहिनूर टॉवर काय आहे. त्यानंतर दिक्षा मिळाली आहे. त्यामुळे ते आता विरोधात बोलत नाहीत.

काल स्वाभिमानी शेतकरी संघटनेचे अध्यक्ष राजू शेट्टी यांनी महाविकास आघाडीतून बाहेर पडत असल्याचे जाहीर केले. यावर बोलताना भुजबळ म्हणाले, शेट्टींनी अस करायला नको होते शरद पवार (Sharad Pawar) यांनी आमदारकीसाठी त्यांच नाव राज्यपाल यांना दिलं आहे. पण राज्यपाल यांनी ही यादी थांबवली आहे, यात आमचा काय गुन्हा आहे.

Edited By- Santosh Kanmuse

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com