CM Uddhav Thackeray: मुख्यंमंत्री पुन्हा येणार! शिवाजी पार्कवर प्रत्यक्षात हजर राहणार...

CM Uddhav Thackeray: अडीच महिन्यांच्या कालावधीनंतर पहिल्यांदाच प्रत्यक्ष कार्यक्रमाला उपस्थित राहणार आहेत.
CM Uddhav Thackeray
CM Uddhav ThackeraySaam Tv

सुशांत सावंत, मुंबई

मुंबई: मुख्यमंत्री उद्धव ठाकरे (Uddhav Thackeray) उद्या शिवाजी पार्कवरील (Shivaji Park) प्रजासत्ताक दिनाच्या (Republic Day) कार्यक्रमाला प्रत्यक्ष उपस्थित राहणार आहेत. अडीच महिन्यांच्या कालावधीनंतर पहिल्यांदाच प्रत्यक्ष कार्यक्रमाला उपस्थित राहणार आहेत. १२ नोव्हेंबरला झालेल्या स्पाईन सर्जरीनंतर ते आतापर्यंत व्हिसीद्वारे (Video Conference) बैठका आणि कार्यक्रमांना उपस्थित राहत होते. (Chief Minister Uddhav Thackeray will actually be present at Shivaji Park)

हे देखील पहा -

CM Uddhav Thackeray
राऊतांनी दिमाखत केलं ट्विट अन् झाले ट्रोल! पूनम महाजनांनी काढली मर्दानगी; पहा नेमकं काय घडलं?

१२ नोव्हेंबरला एच. एन. रिलायन्स हॉस्पिटलमध्ये त्यांच्यावर सर्जरी झाली होती आणि २ डिसेंबरला त्यांना डिस्चार्ज देण्यात आला होता. डिस्चार्ज मिळाल्यापासून ते आजपर्यंत ते कोणत्याही सार्वजनिक कार्यक्रमात सहभागी नव्हते. मात्र उद्या ते २६ जानेवारीला भारताच्या प्रजासत्ताक दिनी आयोजित केलेल्या कार्यक्रमात प्रत्यक्षपणे उपस्थित राहणार आहेत.

मुख्यमंत्री कुठे आहेत? असा वारंवार सवाल करणाऱ्या विरोधकांना मुख्यमंत्री उद्धव ठाकरे (CM Uddhav Thackeray) यांनी उत्तर दिलं होतं. "मी घराबाहेर पडलो नसलो तरी मी असमर्थ आहे असं नाही, अशा शब्दांत त्यांनी विरोधकांना उत्तर दिलं होतं. मुंबई महापालिकेच्या वतीनं उभारण्यात आलेल्या महाराणा प्रताप (Maharana Pratap) यांच्या अश्वारुढ पुतळ्याचं उद्घाटन ऑनलाइन स्वरुपात मुख्यमंत्र्यांच्या हस्ते झालं, यावेळी ते बोलत होते.

मुख्यमंत्री म्हणाले, "गेल्या काही काळामध्ये एका शस्त्रक्रियेला मला समोरं जावं लागलं. त्यानंतर मी अजूनही तसा घराबाहेर पडलेलो नाही पण, असं असलं तरी याचा अर्थ असा नाही की, मी बाहेर पडायला असमर्थ आहे. मी सुद्धा शिवसेनाप्रमुखांचा पुत्र आहे. तलावर जरी माझ्या हातात नसली तरी तलावर कशी गाजवायची हे माझ्या नसानसांत भिनलेलं आहे. त्यामुळं जेव्हा फिरवायची त्या योग्यवेळी ती फिरवत आलेलो आहेच आणि यापुढेही फिरवणार आहेच. त्यामुळे आता उद्या मुख्यमंत्री विरोधकांना काय बोलणार याकडे सर्वांचच लक्ष लागलेलं आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com