सोमाटणे टोल नाका बंद करण्याच्या मागणीसाठी नागरिक रस्त्यावर उतरणार!
मावळ : जुन्या पुणे-मुंबई महामार्गावरील सोमाटणे फाटा येथील टोल नाक्यावर (Somatane Toll Plaza) बेकायदेशीरपणे टोल वसुली केली जात आहे. केंद्र आणि राज्यशासनाची टोल वसुली कधीच संपली आहे. जनसेवा विकास समिती ने देखील टोल नाका बंद व्हावा यासाठी अनेक प्रयत्न केले होते. मावळ (Maval) मधील या सोमाटणे टोल नाक्यावर स्थानिक नागरिकांकडून देखील टोल वसूली केली जाते. याबाबत आयआरबीच्या (RBI) अनेक अधिकाऱ्यांनी स्थानिकांकडून टोल वसूली केली जाणार नाही अशी आश्वासने दिली होती.
हे देखील पहा :
परंतु, प्रत्यक्षात मात्र टोल वसूली केली जात आहे. या विरोधात मावळात 16 एप्रिल रोजी सर्व पक्षीय टोल हटाव कृती समिती च्या वतीने सोमाटणे टोल नाक्यावर (Toll Plaza) तीव्र आंदोलन छेडण्यात येणार आहे. सोमाटणे येथील टोलचा झोल बंद झालाच पाहिजे अशी मागणी या कृती समितीच्या वतीने करण्यात येत आहे. सर्व पक्षीय पत्रकार परिषदेत तळेगावकरांनी (Talegaon) एक मताने ही मागणी केली. या बैठकीला मनसे, भाजप, शिवसेना, राष्ट्रवादी काँग्रेस, आरपीआय, जनसेवा विकास समिती, विविध संघटनासह सर्व सामान्य नागरिकांनी लावली हजेरी लावली होती.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.