मुंबई : पंतप्रधान नरेंद्र मोदी गेल्या आठवड्यात मुंबई दौऱ्यावर येऊन गेले. त्यानंतर आज मुख्यमंत्री एकनाथ शिंदे(Eknath Shinde) आणि उपमुख्यमंत्री देवेंद्र फडणवीस(Devendra Fadnavis) आज दौऱ्यावर आहेत.शिंदे-फडणवीस यांची केंद्रीय गृहमत्री आणि सहकार मंत्री अमित शाह (Amit Shah) यांच्यासोबत बैठक होणार आहे.
केंद्रीय गृहमंत्री अमित शाह यांच्या अध्यक्षतेखाली होणाऱ्या बैठकीत मुख्यमंत्री, उपमुख्यमंत्र्यांसह केंद्रीय रेल्वे राज्यमंत्री रावसाहेब दानवे, कॅबिनेट मंत्री राधाकृष्ण विखे पाटील, माजी मंत्री पंकजा मुंडे, माजी मंत्री हर्षवर्धन पाटील, खासदार धनंजय महाडिक उपस्थित असणार आहेत. दुपारी ४ वाजता बैठक होणार आहे.
बैठकीमध्ये राज्यातील नवीन सहकारी कायदा, मल्टी स्टेट बँक आणि कारखान्यासंदर्भातील नवीन कायदा, साखर उद्याग, कापूस प्रक्रिया उद्योग, फळ प्रक्रिया उद्योग, इथेनॉल धोरण, मासेमारी, आजारी कारखाने आदी मुद्यावर बैठकीत चर्चा होण्याची शक्यता.
सोबतच राज्य सरकारचा मंत्रिमंडळ विस्तार रखडलेला आहे. या पार्श्वभूमीवर अमित शाहांसोबतची बैठक महत्त्वाची मानली जात आहे. या बैठकीत मंत्रिमंडळ विस्तारावर तोडगा निघण्याची शक्यता वर्तवली जात आहे.
याशिवाय राज्यातील विकास कामांसंदर्भात चर्चा होण्याची शक्यता आहे. मागील आठवड्यात पंतप्रधान नरेंद्र मोदी मुंबई दौऱ्यावर आले होते. त्यांनी यावेळी अनेक विकास कामांच लोकार्पण आणि उद्घाटन केलं होतं.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
