Eknath Shinde News: शिवसेना-वंचित बहुजन आघाडीच्या युतीच्या घोषणेनंतर मुख्यमंत्र्यांची पहिली प्रतिक्रिया; म्हणाले...

नव्या युतीला मुख्यमंत्री एकनाथ शिंदे यांनी शुभेच्छा दिल्या आहे.
Eknath Shinde News
Eknath Shinde News Saam Tv

Shivsena-VBA Alliance : शिवसेना ठाकरे गट आणि आणि वंचित बहुजन आघाडीच्या युतीची अधिकृत घोषणा आज करण्यात आली आहे. उद्धव ठाकरे आणि प्रकाश आंबेडकर यांनी संयुक्त पत्रकार परिषद घेत युतीची घोषणा केली आहे. शिवसेना ठाकरे गट आणि आणि वंचित बहुजन आघाडीच्या युतीमुळे राज्यात नवीन राजकीय समीकरण पाहायाला मिळणार आहे. या नव्या युतीला मुख्यमंत्री एकनाथ शिंदे यांनी शुभेच्छा दिल्या आहे. (Latest Marathi News)

Eknath Shinde News
Shivsena-VBA Alliance: ठरलं! शिवसेना-वंचित बहुजन आघाडी युतीची घोषणा, आगामी निवडणुका एकत्र लढणार

शिवसेना प्रमुख बाळासाहेब ठाकरे यांची आज जयंती आहे. बाळासाहेब ठाकरे यांच्या जयंतीनिमित्त त्यांच्या मुंबईतील काळा घोडा येथील पुतळ्यास पुष्पहार आणि अभिवादन करण्यासाठी मुख्यमंत्री एकनाथ शिंदे पोहोचले. या ठिकाणी बाळासाहेब ठाकरे यांच्या पुतळ्यास अभिवादन केल्यानंतर मुख्यमंत्री एकनाथ शिंदे (Eknath Shinde) यांनी प्रसार माध्यमांशी संवाद साधला.

यावेळी मुख्यमंत्री एकनाथ शिंदे यांनी शिवसेना ठाकरे गट आणि आणि वंचित बहुजन आघाडीच्या नव्या युतीवर भाष्य केलं. 'भीम शक्ती आणि शिव शक्ती एकत्र, प्रकाश आंबेडकर आणि उद्धव ठाकरे (Uddhav Thackeray) यांना शुभेच्छा, अशा शब्दात मुख्यमंत्री एकनाथ शिंदे यांनी ठाकरे गट आणि वंचित बहुजन आघाडीच्या युतीला शुभेच्छा दिल्या.

मुख्यमंत्री एकनाथ शिंदे यांनी यावेळी शिवसेना प्रमुख बाळासाहेब ठाकरे यांच्या आठवणींना देखील शुभेच्छा दिल्या. मुख्यमंत्री एकनाथ शिंदे म्हणाले, 'बाळासाहेबांनी नेहमीच सर्वांना न्याय दिला. हे सरकार बाळासाहेबांच्या विचारावर आधारीत आहे. हे जनसामान्यांचं सरकार आहे'.

Eknath Shinde News
Shivsena-VBA Alliance : हिंमत असेल तर आता निवडणुका घ्या; उद्धव ठाकरेंचे शिंदे-फडणवीसांना आव्हान

दरम्यान, आदित्य ठाकरे यांनी आज बाळासाहेब ठाकरे यांच्या जयंतीदिनी चुकून स्मृतीदिनाचं ट्विट केलं. त्यानंतर अवध्या २० मिनिटात आदित्य ठाकरे यांनी ट्विट डिलीट केलं. यावरून सत्ताधाऱ्यांकडून आदित्य ठाकरेंवर जोरदार टीका होत आहे.

यावरून मुख्यमंत्र्यांना प्रश्न विचारला असता, मुख्यमंत्री म्हणाले, 'ज्यांनी ट्विट केलंय त्यांनाच विचारा. बाळासाहेबांची आठवण येत नाही, असा एकही क्षण आमचा जात नाही. बाळासाहेब ठाकरे यांचा आदर्श आणि त्यांचे विचार पुढे घेऊन जात आहोत'.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com