CM Eknath Shinde Meet Governor Ramesh Bais: राज्याच्या राजकीय वर्तुळातून एक मोठी बातमी समोर आली आहे. मुख्यमंत्री एकनाथ शिंदे हे अचानक राज्यपाल रमेश बैस यांच्या भेटीला गेले आहेत. मागील दोन ते तीन दिवसांपासून राज्याच्या राजकारणात घडामोडींना वेग आल्याने मुख्यमंत्री एकनाथ शिंदे हे अचानक राजभवनावर गेल्याने त्यांच्या भेटीकडे राजकीय अर्थाने बघितलं जात आहे.
आजच्या भेटीत राज्यपाल रमेश बैस आणि मुख्यमंत्री शिंदेंमध्ये महत्वाची बैठक होण्याची शक्यता असून महाराष्ट्रात सुरू असलेलं राजकारणावर चर्चा होऊ शकते. दरम्यान, राज्यपालांनीही मुख्यमंत्र्यांना आमंत्रित केल्याची शक्यता वर्तवण्यात येत आहे. ही भेट स्नेहभोजनानिमित्त असल्याचंही बोललं जातंय.
राज्यपाल भवनावर माजी राष्ट्रपती रामनाथ कोविंद हे सुद्धा उपस्थित असल्याची माहिती आहे.राष्ट्रवादी काँग्रसचे अध्यक्ष शरद पवार यांनी निवृत्तीची घोषणा केल्यानंतर त्याचे अनेक अर्थ काढले जात आहेत. पक्षातलं महत्त्व अधोरेखित करणं, अजित पवारांच्या भाजप प्रवेशाच्या वावड्यांना खिळ लावणे यासह बरेच अर्थ काढले जात आहेत.
त्यामुळे आज अचानकपणे मुख्यमंत्री एकनाथ शिंदे राज्यपाल रमेश बैस यांच्या भेटीला गेल्याने राजकीय उलथापालथ होऊ शकते, असं राजकीय जाणकार सांगत आहेत. महत्त्वाचं म्हणजे ही भेट आधीच ठरल्याचं शिवसेना नेत्या शितल म्हात्रे यांनी म्हटलं आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
