Eknath Shinde: राज्याच्या राजकारणातून सध्या अत्यंत महत्वाची माहिती समोर येत असून निवडणुक आयोगाने शिवसेना नाव आणि धनुष्यभान चिन्ह शिंदे गटाला दिले आहे. गेल्या काही दिवसांपासून याकडे लक्ष लागले होते. ७८ पानांची निवडणूक आयोगाचे निकालपत्र असून ऑक्टोबर २०२२ पासून हे प्रकरण चर्चेत आले होते.
याशिवाय शिवसेना नाव देखील एकनाथ शिंदे गटाला मिळाले आहे. यामुळे उद्धव ठाकरे यांना मोठा धक्का बसल्याचे बोलले जात आहे. पक्षाचे नाव आणि चिन्ह हे दोन्हीही शिंदे यांना मिळाल्यानं आता वेगवेगळ्या चर्चांना उधाण आले आहे. यावर मुख्यमंत्री एकनाथ शिंदे यांनी प्रतिक्रिया दिली आहे. (Latest Marathi News)
काय म्हणाले एकनाथ शिंदे....
निवडणूक आयोगाच्या या निर्णयावर बोलताना एकनाथ शिंदे (EKnath Shinde) यांनी "हा बाळासाहेब ठाकरेंच्या विचारांचा विजय झाला आहे. तसेच हा भारतीय घटनेचा आणि लोकशाहीचा विजय आहे, लोकशाहीत बहुमताला महत्व असते, त्यामुळे जो संघर्ष केला, बाळासाहेबांची विचार भूमिका घेवून सत्ता स्थापन केली. त्याचा हा विजय आहे," अशी प्रतिक्रिया दिली आहे...
दरम्यान, निवडणुकी आयोगाच्या या निर्णयानंतर ठाकरे गटाला मोठा धक्का बसला आहे. त्यामुळे यापुढे ठाकरे गट काय भूमिका घेणार हे पाहणे महत्वाचे ठरणार आहे. या निर्णयानंतर आता शिंदे फडणवीस सरकारच्या मंत्रिमंडळ विस्ताराचाही मार्ग मोकळा झाला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.