Thackeray VS Shinde: सत्तेसाठी बाळासाहेबांच्या विचारांशी तडजोड केली त्यांनी आम्हाला शिकवू नये, एकनाथ शिंदेंचं उद्धव ठाकरेंवर टीकास्त्र

आम्हाला शिकवायचा तुम्हाला अधिकार नाही. हा एकनाथ शिंदे स्वतः ४० दिवस तुरुंगात गेला.
Uddhav Thackeray vs Eknath Shinde
Uddhav Thackeray vs Eknath ShindeSaam TV

मुंबई : राज्यातील सध्याच्या स्थितीबाबत पत्रकार परिषद घेत उद्धव ठाकरे यांनी राज्य सरकारवर सडकून टीका केली. या टीकेला आता मुख्यमंत्री एकनाथ शिंदे (Eknath Shinde) यांनी उत्तर दिलं आहे.

ज्यांनी सत्तेसाठी बाळासाहेबांच्या विचारांशी तडजोड केली, त्यांनी आम्हाला शिकवू नये. आम्ही जे दिवसरात्र काम करत आहोत, हे पाहून यांच्या पायाखालची वाळू सारकली आहे, असा टोला एकनाथ शिंदेंनी उद्धव ठाकरेंना लगावला.

Uddhav Thackeray vs Eknath Shinde
Uddhav Thackeray: मिंधे सरकारमुळे राज्याची सतत अवहेलना, महाराष्ट्रद्रोह्यांना धडा शिकवण्यासाठी एकत्र यावं, उद्धव ठाकरेंचं आवाहन

सीमावर्ती भागातील प्रश्नबाबत बोलतांना त्यांनी म्हटलं की, कर्नाटकचा विषय हा २०१२ चा आहे. इतक्या वर्षांत तुम्ही या सीमाप्रश्नी काय निर्णय घेतला. आम्हाला शिकवायचा तुम्हाला अधिकार नाही. हा एकनाथ शिंदे स्वतः ४० दिवस तुरुंगात गेला. (Latest Marathi News)

आम्ही सीमावर्ती भागातील नागरिकांना न्याय देण्यासाठी काम करत आहोत. सीमावर्ती भागातील आमच्या बांधवासाठी आम्ही योजना केल्या आहेत. महाराष्ट्राचा एकही तुकडा कुठेही जाणार नाही, असंही मुख्यमंत्र्यांनी म्हटलं.

Uddhav Thackeray vs Eknath Shinde
गुजरातच्या विधानसभा निवडणुकीच्या प्रचारात शिंदे-फडणवीस सरकार व्यस्त; आदित्य ठाकरेंचा हल्लाबोल

छत्रपती शिवाजी महाराज यांची तुलना कुणाशी होऊ शकत नाही. छत्रपती शिवाजी महाराज यांचा अवमान करण्याचा अधिकार कोणालाच नाही तो कुणीही सहन करणार नाही. पण सत्तेच्या खुर्चीसाठी ज्यांनी बाळासाहेब ठाकरे यांचे विचार सोडले ते आमच्यावर टीका करतात. बाळासाहेब ठाकरे यांचे विचार घेऊन आम्ही चालत आहेत, असं एकनाथ शिंदे यांनी म्हटलं.

आत्मविश्वास होता म्हणून तर 50 आमदार आणि 13 खासदार माझ्यासोबत होते. हात दाखवयचा विषय म्हणाल तर आम्ही ज्यांना हात दाखवायचा आहे त्यांना 30 जूनला दाखवला आहे, असंही मुख्यमंत्र्यांनी म्हटलं.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com