Maharashtra Politics : PM मोदींच्या मुंबई दौऱ्याच्या पार्श्वभूमीवर शिंदे गट लागला कामाला; मुख्यमंत्र्यांनी आमदारांना दिल्या 'या' सूचना

Eknath Shinde News : पंतप्रधान नरेंद्र मोदी १९ जानेवारीला मुंबई दौऱ्यावर येणार आहेत. या पार्श्वभूमीवर राज्य सरकारची यंत्रणा सज्ज झाली आहे. तर दुसरीकडे पंतप्रधान मोदींच्या मुंबई दौऱ्याच्या पार्श्वभूमीवर शिंदे गटाने महत्वाची बैठक आयोजित केली आहे. तर मुख्यमंत्र्यांनी त्यांच्या गटाच्या आमदारांना सभेसाठी मोठ्या प्रमाणात नागरिकांना आणण्याचा सूचना दिल्या आहेत. (Latest Marathi News)

पंतप्रधान नरेंद्र मोदी (Narendra Modi) यांच्या मुंबई दौऱ्यानिमित्त मुख्यमंत्री एकनाथ शिंदे यांची त्यांच्या गटातील मंत्री, आमदार,प्रमुख नेते व पदाधिकाऱ्यांसोबत महत्वाची बैठक आज होणार असल्याची माहिती सूत्रांनी दिली आहे. या बैठकीत उद्याच्या नियोजनावर मुख्यमंत्री एकनाथ शिंदे (Eknath Shinde) मार्गदर्शन करणार आहेत.

मुख्यमंत्र्यांनी त्यांच्या आमदारांना सभेसाठी मोठ्या प्रमाणात नागरिकांना आणण्याचा सूचना दिल्या आहेत. तसेच सभेसाठी येणाऱ्या नागरिकांची गैरसोय होणार नाही. सभे ठिकाणी नागरिक वेळेत पोहचतील याचीही काळजी घेण्याबाबत आमदारांना सूचना दिल्या जाणार आहेत.

अनेक आमदार मतदारसंघात असल्याने ते या बैठकीला व्हिडिओ काॅन्फरसिंगद्वारे सहभागी होणार असल्याचे कळते. तर मुख्यमंत्री एकनाथ शिंदे देखील थोड्याच वेळात दावोसहून मुंबईत दाखल होणार आहेत. त्यानंतर पंतप्रधान मोदींच्या सभेचा आढावा मुख्यमंत्री घेणार आहेत.

मुंबई महापालिकेच्या विविध कामांचे लोकार्पण PM मोदींच्या हस्ते होणार

पंतप्रधान नरेंद्र मोदी १९ जानेवारी रोजी मुंबई दौऱ्यावर असणार आहे. या दौऱ्यात मुंबई महापालिकेच्या विविध कामांचे पंतप्रधान नरेंद्र मोदींच्या हस्ते लोकार्पण होणार आहे. मुंबई महापालिकेच्या माध्यमातून विविध प्रकल्प राबवण्यात आले आहेत.

मुंबई महापालिकेच्या या कामांचे पंतप्रधान नरेंद्र मोदींच्या हस्ते लोकार्पण होणार आहे. पंतप्रधान नरेंद्र मोदी यांच्या या दौऱ्यावर विशेष लक्ष मुख्यमंत्री आणि उपमुख्यमंत्री यांचं असणार आहे.