CNG PNG Price News : इंधन दरवाढीत होरपळून निघालेल्या वाहनधारकांना दिलासा देणारी बातमी आहे. महानगर गॅस लिमिटडने पीएनजी आणि सीएनजीच्या किंमतीमध्ये घट केली आहे. सीएनजीची किंमत प्रति किलो ६ तर पीएनजीची किंमत प्रति किलो ४ रुपयांनी कमी करण्यात आली आहे. १६ ऑगस्टच्या मध्यरात्रीपासून हे दर लागू होणार आहेत. (CNG PNG Price Latest News)
त्यामुळे आता सीएनजीसाठी सर्व करांसह सुधारित दर प्रति किलो ८० रुपये तर पीएनजीसाठी प्रतिकलो ४८ रुपये ५० पैसे असा असणार आहे. विशेष बाब म्हणजे एप्रिल महिन्यापासून ऑगस्टपर्यंत सीएनजी दरात सातत्याने वाढ झाली होती. या कालावधीत सीएनजीच्या दरात तब्बल सहा वेळा वाढ करण्यात आली होती.
ऑगस्ट महिन्याच्या सुरुवातीला, शहर गॅस वितरकाने सीएनजीसाठी प्रति किलोग्रॅम ६ रुपये आणि पाइप्ड नैसर्गिक वायूसाठी प्रति युनिट ५ रुपये वाढ करण्याची घोषणा केली होती. एप्रिल महिन्यापासूनची ही सहावी दरवाढ होती. उद्यापासून घरगुती आणि सीएनजीचा दर कमी झाल्यामुळे सामान्य नागरिकांना दिलासा मिळणार आहे.
दरम्यान, नवीन दरांनुसार मुंबईत सीएनजी ८० रुपये तर घरोघरी स्वयंपाकासाठी वापरला जाणारा पीएनजी ४८.५० रुपये प्रति किलो उपलब्ध होईल. हे दर १७ ऑगस्टपासून लागू होतील. सध्याचे हे दर पेट्रोलच्या तुलनेत ४८टक्के स्वस्त असल्याचा दावा कंपनीने केला आहे. तर, पीएनजी हा एलपीजीच्या तुलनेत १८ टक्के स्वस्त असल्याचा दावा देखील कंपनीनं केला आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
