Raj Thackeray News : राज ठाकरे यांच्याविरोधात पिंपरी-चिंचवड पोलिसांत तक्रार; प्रक्षोभक भाषण केल्याचा आरोप

MNS Raj Thackeray : महाराष्ट्र नवनिर्माण सेनेचे अध्यक्ष राज ठाकरे यांच्याविरोधात पिंपरी चिंचवडच्या वाकड पोलिस स्टेशनमध्ये तक्रार दाखल करण्यात आली आहे.
Raj Thackeray Speech
Raj Thackeray Speech saam tv

Complaint Against MNS Raj Thackeray : महाराष्ट्र नवनिर्माण सेनेचे अध्यक्ष राज ठाकरे यांच्याविरोधात पिंपरी चिंचवडच्या वाकड पोलिस स्टेशनमध्ये तक्रार दाखल करण्यात आली आहे. मुंबईतील गुढीपाडवा मेळाव्यात राज ठाकरे यांनी प्रक्षोभक भाषण केल्याचा आरोप या तक्रारीत करण्यात आला आहे. वाजीद रजाक सय्यद यांनी ही तक्रार दाखल केली असून राज ठाकरे यांच्यावर तातडीने कारवाई करण्यात यावी, अशी मागणी सुद्धा करण्यात आली आहे.  (Maharashtra Breaking News)

Raj Thackeray Speech
Breaking News : राज ठाकरेंच्या इशाऱ्यानंतर प्रशासनाची मोठी कारवाई; माहीमच्या समुद्रातील अनाधिकृत बांधकाम हटवलं

मनसे अध्यक्ष राज ठाकरे यांनी बुधवारी गुढीपाडव्यानिर्मित्त मुंबईच्या शिवतीर्थावर मेळावा घेतला. या मेळाव्यात त्यांनी राज्यातील मस्जिदीवरील भोग्यांच्या प्रकरणावर पुन्हा बोट ठेवलं. "मागील काही दिवसांपासून मस्जिदीवरील भोग्यांचा आवाज पुन्हा वाढला आहे. गेल्या गुढी पाडव्याला मी सांगितले होते, मशिदीवरील भोंगे बंद करा, त्यावरून गेल्या सरकारमध्ये माझ्या मनसैनिकांवर १७ हजार गुन्हे दाखल झाले, ते मागे घ्या, असं आवाहन राज ठाकरे यांनी सरकारला केलं होतं.  (Latest Marathi News)

"दुसरे एक तर तुम्ही मशिदींवरील भोंगे बंद करण्यास सांगा किंवा आमच्याकडे दुर्लक्ष करा, दोनपैकी तुम्हाला निर्णय घ्यावा लागेल. आम्ही स्पीकर बंद करू, मी मुद्दाम यासाठी मुख्यमंत्री यांना भेटणार आहे. राज्यात अनधिकृतपणे काही गोष्टी उभ्या राहत आहेत त्याकडे लक्ष द्या, असे सांगणार आहे, अशा शब्दांत मनसे अध्यक्ष राज ठाकरे (Raj Thackeray) यांनी मुख्यमंत्री एकनाथ शिंदे यांना इशाराही दिला होता.

Raj Thackeray Speech
Raj Thackeray Speech : अलिबाबा आणि चाळीस जण सोडून गेले, फक्त... शिंदेंबाबत राज ठाकरे स्पष्टच बोलले

मला जावेद अख्तर यांच्यासारखे मुसलमान पाहिजेत. त्यांनी पाकिस्तानात जाऊन त्यांनाच झोडपले. त्यांच्या लोकांमध्ये जाऊन त्यांना सुनावले, अशी माणसे मला हवी आहेत", असं राज ठाकरे यांनी म्हटलं होतं.

दरम्यान, राज ठाकरे यांनी केलेला भाषणामुळे दोन समाजात जातीय तेढ निर्माण होण्याची शक्यता आहे. त्यामुळे त्यांच्यावर तातडीने गुन्हा दाखल करावा, अशी तक्रार वाजीद रजाक सय्यद नामक व्यक्तीने पिंपरी चिंचवड (Pimpari Chinchwad) येथील वाकड पोलिस स्टेशनमध्ये केली आहे. आता या तक्रारीनंतर पोलिस राज ठाकरे यांच्याविरोधात काय कारवाई करणार याकडेच सर्वांच लक्ष लागून आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com