Corona Virus In Maharashtra: मागील काही दिवसांपासून राज्यात कोरोना व्हायरसचा प्रादुर्भाव झपाट्याने वाढत आहे. दिवसागणिक कोरोना रुग्णांची संख्या वाढतच चालली आहे. चिंताजनक बाब म्हणजे मृतांच्या संख्येत देखील वाढ होत आहे. दरम्यान, कोरोनाचा वाढता प्रादुर्भाव रोखण्यासाठी आरोग्यमंत्री तानाजी सावंत यांनी आज तातडीने टास्क फोर्सच्या सदस्यांची व्हिडीओ कॉन्फरन्सिंगद्वारे बैठक घेतली. या बैठकीत त्यांनी महत्वाच्या सूचना दिल्या आहेत. (Latest Marathi News)
मुंबई, पुणे तसेच ठाण्यासह १० अतिजोखमीच्या जिल्ह्यावर विशेष लक्ष देण्यात यावे. तसेच जत्रा, मॉल, थिएटर, बाजार अशा गर्दीच्या ठिकाणी मास्क आवर्जून वापरण्याबाबत आवाहन करण्यात यावे, अशा सूचना सावंत यांनी बैठकीत दिल्या आहेत. या बैठकीला पुणे येथील आरोग्य सेवा संचालनालय संचालक डॉ. नितीन अंबाडेकर, अतिरिक्त संचालक तथा टास्क फोर्सचे सदस्य सचिव डॉ. रघुनाथ भोये उपस्थित होते. (Breaking Marathi News)
याशिवाय टास्क फोर्सचे अध्यक्ष डॉ. सुभाष साळुंके, सदस्य लेफ्टनंट जनरल माधुरी कानिटकर, डॉ. रमण गंगाखेडकर, डॉ. राजेश कार्यकर्ते, डॉ. हर्षद ठाकूर, आणि सार्वजनिक आरोग्य विभागाचे उपसंचालक सुद्धा सहभागी झाले होते.
राज्यात कोरोनाचा संसर्ग (Corona Virus) वाढत असून गेल्या २४ तासांतील ताजी आकडेवारी समोर आली आहे. आरोग्य विभागाच्या माहितीनुसार, ८५० नव्या रुग्णांची नोंद झाली आहे तर ४ रुग्णांचा मृत्यू झाला. दिलासादायक बाब म्हणजे ६४८ रुग्णांना आज डिस्चार्ज देण्यात आला आहे.
आरोग्य विभागाच्या माहितीनुसार, सध्याचा राज्याचा कोविड पॉझिटिव्हिटी रेट हा ९८.१० टक्के इतका आहे. तर मृत्यूदर हा १.८१ टक्के इतका आहे. आजच्या दिवशी १६,४१२ नमुन्यांची चाचणी झाली. त्यांपैकी १३,४४५ नमुन्यांची सरकारी प्रयोगशाळेत चाचणी झाली तर उर्वरित २७९९ चाचण्या खासगी प्रयोगशाळेत करण्यात आली.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
