दौंड: मेडीकलमध्ये चोरी, १ लाख ४५ हजार रूपयांची रोकड लंपास

दौंड शहराजवळील लिंगाळी या ठिकाणी असलेल्या युनिटी मेडीकेअर मध्ये चोरी
दौंड: मेडीकलमध्ये चोरी, १ लाख ४५ हजार रूपयांची रोकड लंपास
दौंड: मेडीकलमध्ये चोरी, १ लाख ४५ हजार रूपयांची रोकड लंपाससागर आव्हाड

दौंड : दौंड शहराजवळील लिंगाळी (ता. दौंड) या ठिकाणी असलेल्या युनिटी मेडीकेअर मध्ये झालेल्या चोरीत १ लाख ४५ हजार रूपयांची रोकड चोरीस गेली आहे. दुकानात असलेल्या सीसीटीव्ही फुटेज मध्ये ३ चोरटे दिसून आले आहेत. लिंगाळी या ठिकाणी दौंड महाविद्यालय मुख्य प्रवेशद्वाराजवळ युनिटी मेडकेअर या औषध विक्री दुकानात ११ सप्टेंबर दिवशी पहाटे ३ ते साडेतीन वाजेच्या सुमारास ही चोरी झाली आहे.

हे देखील पहा-

पायी आलेल्या ३ चोरट्यांनी दुकानाचे कुलूप तोडण्यासह शटर उचकटले आहे. दुकानाच्या समोरील आणि आतील बाजूच्या काउंटर मधील कुलूपबंद ड्रॅाव्हर उचकटून त्यामध्ये ठेवलेली १ लाख ४५ हजार रूपयांची रोकड चोरट्यांनी लंपास केली आहे. सकाळी साडेसहा वाजण्याच्या दरम्यान ही चोरी निदर्शनास आली आहे.

दौंड: मेडीकलमध्ये चोरी, १ लाख ४५ हजार रूपयांची रोकड लंपास
धुळ्यात धाडसी चोरी; दागिन्‍यांसह रोकड लंपास

औषध विक्रीतून आलेली रक्कम एकत्रित करून सदर रक्कम दुकानातील कर्मचाऱ्यांनी दुकानात ठेवली होती. दुकानाचे मालक दादा भाऊसाहेब लोणकर यांच्या फिर्यादीनुसार दौंड पोलिस ठाण्यात अज्ञात चोरट्यांविरोधामध्ये गुन्हा दाखल करण्यात आला आहे. दुकानातील सीसीटीव्ही फुटेज मध्ये ३ चोरटे दिसून येत आहेत. ते २२ ते ३० वयोगटातील आहेत.  सीसीटीव्हीच्या आधारे पोलिस त्यांचा शोध घेत आहेत.

Edited By- Digambar Jadhav

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com