अभिजीत देशमुख...
Dombivli News: हॉटेलमध्ये बसून उधारीवर चहा नाश्ता करणाऱ्या इसमाकडे हॉटेल चालकाने उधारीचे पैसे मागितले. त्यामुळे या संतापलेल्या इसमाने हॉटेल चालकाकावर चाकूने हल्ला केल्याची धक्कादायक घटना डोंबिवली गोळवली परिसरात घडली आहे.
या हल्ल्यात हॉटेल चालक जखमी झाला असून या प्रकरणी मानपाडा पोलीस ठाण्यात मनोजकुमार यादव यांच्या विरोधात गुन्हा दाखल करत त्याचा शोध सुरू आहे. उधारीवरून हॉटेल चालकालाच मारहाण झाल्यामुळे परिसरात एकच खळबळ उडाली आहे. (Latest Marathi News Update)
याबाबत समोर आलेल्या माहितीनुसार, डोंबिवली पूर्वेकडील पांडुरंग वाडी परिसरात राजेंद्र प्रसाद यादव यांचे यादव दूध डेअरी व स्नॅक्स हॉटेल आहे. याच परिसरात राहणारा मनोजकुमार यादव हॉटेलमध्ये नाश्ता करून जायचा मात्र पैसे उधारी ठेवत होता. दोन दिवसापूर्वी मनोज जाधव हॉटेल समोरून जाताना दिसला असता हॉटेल चालक राजेंद्र यांनी त्याच्याकडे नाश्त्याचे उधारीचे पैसे मागितले. उधारीचे पैसे मागितल्याने मनोज यादव संतापला. त्याने राजेंद्र यादव यांच्याशी वाद घालण्यास सुरुवात केली.
मनोजने राजेंद्र यांना मारहाण करत त्याच्याजवळ असलेल्या चाकू बाहेर काढला व त्यांच्या खांद्यावर व पायावर वार केले. या हल्ल्यात राजेंद्र हे जखमी झाले असून त्यांच्यावर रुग्णालयात उपचार सुरू करण्यात आहेत. तर हल्ल्यानंतर मनोजकुमार यादव हा पसार झाला आहे. या प्रकरणी मानपाडा पोलीस ठाण्यात गुन्हा दाखल करण्यात आला असून पोलीस पुढील तपास करत आहेत. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
