Crypto Currencyचा गुन्हा! रश्मी शुक्लांच्या जवळच्या Cyber Expertला अटक तर माजी IPS...

गोपाल मोटघरे

पुणे: क्रिप्टो करन्सी बिटकॉईनच्या गुन्ह्यात पुणे सायबर पोलिसांनी एका माजी आय पी एस अधिकारी (IPS Officer) आणि एका पोलीसाच्याच सायबर एक्सपर्टला (Cyber Expert) अटक केली आहे. रविकांत पाटिल असं माजी आय पी एस पोलिस अधिकाऱ्याचं नाव आहे. तर पंकज घोडे अस सायबर एक्स्पर्टच नाव आहे.

२०१८ मध्ये दाखल असलेल्या क्रिप्टो करन्सी गुन्ह्यात पाटिल आणि घोडे यांना अटक करण्यात आली आहेत. रविकांत पाटिल हे जम्मू कश्मीर कॅडरचे माजी आय पी एस अधिकारी आहेत. तर पंकज घोडे हे पुण्याच्या तत्कालीन पोलीस आयुक्त रश्मि शुक्ला यांच्या जवळचे सायबर एक्सपर्ट आहेत. २०१८ मध्ये पुण्यातील दत्तवाडी पोलीसात बिटकॉईन संबंधित एक गुन्हा दाखल आहे. त्या तपासात सुरुवातीला पोलिसांनी सायबर एक्सपर्ट पंकज घोडे याची मदत घेतली होती. मात्र पंकज घोडे यांनी तपासादरम्यान पोलीसाच्या खात्यात पैसे वळविण्याऐवजी स्वतःच्या खात्यात पैसे वळविल्याचे पोलीस तापसात उघडकीस आले आहे.

हे देखील पहा-

त्यानंतर पोलिसानी संबधित तापस रविकांत पाटिलकडे दिला. मात्र त्यांनी देखील बिटकॉइनचे पैसे पोलीसाच्या खात्यात पैसे वळविन्याऐवजी स्वतःच्याच खात्यात पैसे वळविल्याचे पोलीस तापसात उघडकीस आल आहे. ही बाब राज्याचे आर्थिक गुन्हे शाखेचे ए डी जी प्रभात कुमार याच्या निदर्शनात आल्यानंतर पुणे सायबर पोलिसांनी केलेल्या कारवाईत रविकांत पाटिल आणि पंकज घोडे यांना अटक केली आहे.