राज ठाकरेंनी अयोध्या दौऱ्यासाठी मोदींचा सल्ला घ्यावा: दिपाली सय्यद

शिवसेनेच्या नेत्या दिपाली सय्यद यांनी ट्विट करुन राज ठाकरेंवर टीका केली आहे.
राज ठाकरेंनी अयोध्या दौऱ्यासाठी मोदींचा सल्ला घ्यावा: दिपाली सय्यद
Deepali Sayed Latest News, Raj Thackeray Ayodhya Visit NewsSaam Tv

मुंबई: मनसे (MNS)अध्यक्ष राज ठाकरे यांनी अयोध्या दौऱ्याची घोषणा केली आहे. पण या दौऱ्याला उत्तर प्रदेशमधील खासदार ब्रिजभूषण सिंह यांनी विरोध केला आहे. राज ठाकरेंनी अगोदर उत्तर प्रदेशच्या जनतेची माफी मागीतली तरच त्यांना अयोध्येत येऊ देणार असल्याचा इशारा दिला आहे. त्यामुळे राज ठाकरेंचा ५ जून चा अयोध्येचा दौरा अडचणीत सापडला आहे. यावर आता शिवसेनेच्या नेत्या दिपाली सय्यद (Deepali Sayed) यांनी ट्विट करुन राज ठाकरेंवर (Raj Thackeray) टीका केली आहे. (Raj Thackeray Ayodhya Visit News)

'मोदींना खूष करीण्याकरीता जिवाच रान करणाऱ्या राजसाहेबांनी आयोध्याच्या दौऱ्याकरीता मोदींचा सल्ला व मदत घ्यावी. कदाचीत माफीनाम्याची गरज पडणार नाही, असं ट्विट दिपाली सय्यद यांनी केलं आहे.

Deepali Sayed Latest News, Raj Thackeray Ayodhya Visit News
राज ठाकरे इतकी भाबडी अपेक्षा ठेवतील वाटलं नव्हतं- देवेंद्र फडणवीस

शिवसेना नेत्या दिपाली सय्यद यांनी या अगोदरही राज ठाकरेंवर टीका केली होती. आता अयोध्या दौऱ्यावरुन सय्यद यांनी टीका केली आहे. अयोध्येच्या दौऱ्यासाठी पंतप्रधान नरेंद्र मोदींचा सल्ला राज ठाकरेंनी घ्यावा असं यात म्हटले आहे.

'राज ठाकरे चूहा है!'; अयोध्या दौऱ्याआधी भाजप खासदाराचं वादग्रस्त विधान

एकीकडे मनसे अध्यक्ष राज ठाकरे (Raj Thackeray) यांच्या अयोध्या दौऱ्यासाठी (Ayodhya visit) मनसैनिकांकडून जय्यत तयारी सुरू आहे. तर दुसरीकडे उत्तरप्रदेशात मात्र राज ठाकरे यांना रोखण्याचा प्लान आखला जात आहे. उत्तरप्रदेशातील कैसरगंजचे भाजप खासदार ब्रिजभूषण शरण सिंह (Brij Bhushan Sharan Singh BJP) यांनी राज ठाकरेंविरोधात आक्रमक पवित्रा घेतला आहे. उत्तर भारतीयांची जाहीरपणे माफी मागितल्यशिवाय राज यांना अयोध्येत घुसू देणार नाही, असा इशारा बृजभूषण सिंह यांनी दिला आहे. माझा विरोध मराठ्यांना नाही तर, राज ठाकरेंना आहे. छत्रपती शिवाजी महाराजांनी मी आदर्श मानतो असंही ते म्हणाले.

मनसे अध्यक्ष राज ठाकरे यांनी सातत्याने उत्तर भारतीयांच्या विरोधात भूमिका घेतली आहे. तसेच त्यांचा अपमानही केला आहे. त्यामुळे राज ठाकरे यांनी सार्वजनिकरीत्या हात जोडून उत्तर भारतीयांची माफी मागावी, मगच अयोध्येत प्रवेश करावा,” अशी बृजभूषण सिंह यांची मागणी आहे. दरम्यान राज ठाकरे यांचा अयोध्येत येण्यापासून रोखण्यासाठी बृजभूषण यांनी नंदिनी नगर येथे संत-महंतांची बैठक बोलावली. या बैठकीला बुधवारी (10 मे) 11 वाजता सुरूवात होणार आहे. बैठकीपूर्वी बृजभूषण सिंह यांनी नवाबगंज ते नंदिनीनगर अशी ५ किमीची रॅली काढून जोरदार शक्तीप्रदर्शनही केलं. या रॅलीत मोठा जनसमुदाय जमला होता.

Edited By- Santosh Kanmuse

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com