फडणवीसांपूर्वी या '४' नेत्यांना मुख्यमंत्रिपदानंतर कनिष्ठ पदावर समाधान मानावं लागलं होतं; कोण ते पाहा

Maharashtra Political History : राज्याच्या राजकीय इतिहासात आणखी ४ मुख्यमंत्र्यांना नंतर कनिष्ठ पदावर समाधान मानावं लागलं होतं. कोण आहेत ते चार मुख्यमंत्री ज्यांना नंतर कनिष्ठ पदावर जावं लागलं.
Devendra Fadnavis 5th former Chief Minister, who became 'Junior'; Know which 4 have been 'demotion' earlier
Devendra Fadnavis 5th former Chief Minister, who became 'Junior'; Know which 4 have been 'demotion' earlierSaamTV

मुंबई: काल, गुरुवारी राज्याच्या राजकारणाने १८० डिग्री यू-टर्न घेतला. शिवसेनेचे बंडखोर नेते एकनाथ शिंदे (Eknath Shinde) हे राज्याचे मुख्यमंत्री झाले, तर माजी मुख्यमंत्री देवेंद्र फडणवीस (Devendra Fadnavis) यांनी उप-मुख्यमंत्रिपदाची शपथ घेतली. कालच्या या घटनेने सर्वांनाच धक्का बसला. मुख्यमंत्रिपदाचे प्रबळ दावेदार असलेले फडणवीस यांना उपमुख्यमंत्रिपदाची शपथ घ्यावी लागल्याने फडणवीस नाराज आहेत अशा चर्चा आता रंगू लागल्या आहेत. मात्र महाराष्ट्राच्या राजकारणाच्या इतिहास केवळ देवेंद्र फडणवीस हेच असे नेते नाही की, ज्यांना मुख्यमंत्रिपद भोगल्यानंतर कनिष्ठ पद मिळालं आहे. राज्याच्या राजकीय इतिहासात आणखी ४ मुख्यमंत्र्यांना नंतर कनिष्ठ पदावर समाधान मानावं लागलं होतं. कोण आहेत ते चार मुख्यमंत्री ज्यांना नंतर कनिष्ठ पदावर जावं लागलं, पाहूयात... (Devendra Fadnavis Latest News)

Devendra Fadnavis 5th former Chief Minister, who became 'Junior'; Know which 4 have been 'demotion' earlier
शिवसेनेला बाजूला ठेवून शिवसेनेचा मुख्यमंत्री होऊ शकत नाही - उद्धव ठाकरे

५) देवेंद्र फडणवीस : आधी मुख्यमंत्री, आता उपमुख्यमंत्री (२०१४)

देवेंद्र फडणवीस हे २०१४ ते २०१९ अशी पाच वर्षे महाराष्ट्राचे मुख्यमंत्री होते. २०१९ च्या विधानसभा निवडणुकीनंतर जेव्हा शिवसेनेची भाजपसोबतची युती तुटली तेव्हा फडणवीस यांनी अजित पवार यांच्या नेतृत्वाखालील राष्ट्रवादीच्या आमदारांच्या गटाला पाठिंबा दर्शवत मुख्यमंत्रिपदाची शपथ घेतली. पण ते सरकार फार काळ टिकले नाही. पुरेशी संख्याबळ जमवता न आल्याने त्यांना तीन दिवसांत राजीनामा द्यावा लागला. आता एकनाथ शिंदे सरकारमध्ये फडणवीस उपमुख्यमंत्रीपदाची जबाबदारी पार पाडणार आहेत.

शंकरराव चव्हाण : पवार सरकारमध्ये अर्थमंत्री व्हावे लागले (१९७५)

देवेंद्र फडणवीस यांच्या आधीही चार माजी मुख्यमंत्री होते, ज्यांनी नंतर कनिष्ठ पदाची जबाबदारी सांभाळली. यात १९७५ मध्ये काँग्रेस नेते शंकरराव चव्हाण महाराष्ट्राचे मुख्यमंत्री झाले. त्यांच्या जागी वसंतदादा पाटील येण्यापूर्वी त्यांनी दोन वर्षे हे पद भूषवले होते. नंतर १९७८ मध्ये कॅबिनेट मंत्री शरद पवार यांनी सरकार पाडले आणि ते स्वतः मुख्यमंत्री झाले. पवारांच्या नेतृत्वाखालील पुरोगामी लोकशाही आघाडीच्या या सरकारमध्ये शंकरराव चव्हाण अर्थमंत्री झाले.

Devendra Fadnavis 5th former Chief Minister, who became 'Junior'; Know which 4 have been 'demotion' earlier
Devendra Fadnavis : देवेंद्र फडणवीस मुख्यमंत्री न झाल्यानं भाजप आमदार नाराज?; आजच महत्वाची बैठक

निलंगकर : सुशीलकुमार शिंदे सरकारमध्ये महसूलमंत्री (१९८५)

शिवाजीराव पाटील निलंगकर १९८५ मध्ये महाराष्ट्राचे मुख्यमंत्री झाले. जून १९८५ ते मार्च १९८६ पर्यंत ते मुख्यमंत्र्यांच्या खुर्चीवर बसले. अनेक वर्षांनी सुशीलकुमार शिंदे यांचे सरकार आले तेव्हा त्यात शिवाजीराव पाटील यांना महसूलमंत्री करण्यात आले.

नारायण राणे : देशमुख सरकारमधील कनिष्ठ मंत्री (१९९९)

१९९९ मध्ये नारायण राणे शिवसेनेत असताना महाराष्ट्राचे मुख्यमंत्री झाले. त्यांचा कार्यकाळ एका वर्षापेक्षाही कमी राहिला. त्यानंतर त्यांनी शिवसेना सोडून काँग्रेसमध्ये प्रवेश केला. नंतर विलासराव देशमुख यांच्या सरकारमध्ये ते महाराष्ट्राचे महसूलमंत्री झाले.

अशोक चव्हाण: ठाकरे सरकारमधील सार्वजनिक बांधकाम मंत्री (२०१९)

२००८ ते २०१० दरम्यान काँग्रेस नेते अशोक चव्हाण महाराष्ट्राचे मुख्यमंत्री होते. नंतर २०१९ मध्ये, उद्धव ठाकरे यांच्या नेतृत्वाखालील महाविकास आघाडीचे सरकारमध्य चव्हाण यांना सार्वजनिक बांधकाम मंत्री करण्यात आले.

देवेंद्र फडणवीस नाराज?

भाजपमध्ये सगळं आलेबल आहे असं दिसत असलं तरी महाराष्ट्र भाजपमध्ये अस्वस्थता आहे. महाराष्ट्र भाजपचा चेहरा असलेल्या फडणवीसांना डावललं गेल्याने भाजप आमदार आणि फडणवीस समर्थक नाराज आहेत. केंद्राने फडणवीसांच्या खच्चीकरणासाठी असं केलं का? असा सवाल भाजप कार्यकर्ते दबक्या आवाजात विचारत असल्याची चर्चा आहे. देवेंद्र फडणवीस यांनी विरोधी बाकावर बसून मविआ सरकारच्या नाकी नऊ आणले. मविआ सरकारला त्यांनी नेहमीच धारेवर धरलं. मुख्यमंत्रिपदाचे प्रबळ दावेदार असताना उप-मुख्यमंत्रिपदाची शपथ घ्यायला सांगून भाजपच्या केंद्रिय नेतृत्वाने फडणवीसांची ताकद कमी करत मोठी रिस्क घेतल्याचंही अनेकांचं म्हणणं आहे. फडणवीस यांनी उप-मुख्यमंत्रिपदाची शपथ घेऊनही त्यांनी ट्विटरवर आपलं बायो हे 'महाराष्ट्र सेवक' असं ठेवलं आहे. त्यांनी 'उप-मुख्यमंत्री' असं ठेवणं अपेक्षित आहे. त्यामुळे फडणवीस नाराज असल्याच्या चर्चांणा अधिक उधाण आलं आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com