सुशांत सावंत -
मुंबई: बोगस मजूर प्रकरणी राज्याचे विधान परिषदेचे विरोधी पक्षनेते प्रविण दरेकरांविरोधात फसवणुकीचा गुन्हा दाखल करण्यात आला आहे. त्याचा भाजपकडून जोरदार विरोध होतो आहे. यातच भाजपचे विरोधीपक्ष नेते देवेंद्र फडणवीस यांनी प्रविण दरेकर यांची भेट घेतली आहे (Devendra Fadnavis And Other BJP MLAs Visited Pravin Darekar).
देवेंद्र फडणवीस (Devendra Fadnavis) यांनी दरेकर यांच्या अवंती निवास येथील घरी जाऊन भेट घेतली. दरेकर यांच्या विरोधात गुन्हा दाखल झाल्यानंतर फडणवीस यांनी दरेकर यांची भेट घेतली आहे.
भाजप नेते दरेकरांच्या पाठीशी
प्रवीण दरेकर यांच्यावर गुन्हा दाखल झाल्यानंतर आता भाजप (BJP) नेते दरेकर यांच्या पाठीशी उभे राहिले आहेत. फडणवीसांशिवाय दरेकर यांच्या घरी भाजपचे विधान परिषदेचे आमदार आले आहेत. आज प्रसाद लाड, निरंजन डावखरे, भाई गिरकर, निलय नाईक, रमेश दादा दरेकर यांच्या भेटीला आले आहेत.
प्रविण दरेकरांवर गुन्हा दाखल
प्रविण दरेकर यांनी मुंबै बँक (Mumbai Bank) निवडणुकीकरिता मजूर संस्थेअंतर्गत अर्ज दाखल करण्यात केला. या अगोदर देखील दरेकर मजूर संस्थेचे प्रतिनिधी म्हणूनच मुंबै बँकेवर अध्यक्ष म्हणून निवडून आले होते. त्या प्रकरणी आम आदमी पक्षाने (AAP) आक्षेप घेत पोलिसामध्ये तक्रार केली होती. यानंतर आता प्रवीण दरेकर (Pravin Darekar) यांच्यावर मुंबईतील माता रमाबाई आंबेडकर पोलीस ठाण्यात गुन्हा दाखल करण्यात आला आहे.
Edited By - Nupur Uppal
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.