देवेंद्रजी तुमच्या नुसत्या वजनानेच बाबरी पडली असती - मुख्यमंत्री

बाबरी मशीद पाडतेवेळी शिवसैनिक तिथे उपस्थित नव्हतेच, तर मी स्वतः मशीद पाडतेवेळी तिथे उपस्थित होतो; असे देवेंद्र फडणवीस म्हणाले होते.
देवेंद्रजी तुमच्या नुसत्या वजनानेच बाबरी पडली असती - मुख्यमंत्री
देवेंद्रजी तुमच्या नुसत्या वजनानेच बाबरी पडली असती - मुख्यमंत्री SaamTVnews

मुंबई : शिवसेना पक्षप्रमुख तसेच राज्याचे मुख्यमंत्री उद्धव ठाकरे यांची सभा आज MMRDA मैदान, BKC, वांद्रे पूर्व येथे 'मास्टर सभा' पार पडली. या जाहीर सभेसाठी राज्यभरातून शिवसैनिकांनी तुफान गर्दी केली. शिवसेनेचे राज्यभरातील नेते या सभेसाठी उपस्थित राहिले. यावेळी बोलताना उद्धव ठाकरेंनी राज्याचे विरोधीपक्षनेते देवेंद्र फडणवीस यांचा जोरदार समाचार घेतला.

हे देखील पाहा :

"बाबरी मशीद पाडतेवेळी शिवसैनिक तिथे उपस्थित नव्हतेच, तर मी स्वतः मशीद पाडतेवेळी तिथे उपस्थित होतो." माजी मुख्यमंत्री देवेंद्र फडणवीस यांच्या या वक्तव्याचा मुख्यमंत्री उद्धव ठाकरेंनी चांगलाच समाचार घेतला. बाबरी मशिद पाडताना देवेंद्र फडणवीस तुमचे वय काय होते? शाळेच्या कि कॉलेजच्या सहलीला गेला होता? असा सवाल उद्धव ठाकरेंनी फडणवीसांना विचारला. तुमचं वय किती, तुम्ही बोलता किती, करता काय? असे म्हणत फडणवीसांनी हिंदुत्वासाठी काय केले असा थेट प्रश्नच ठाकरेंनी विचारला.

देवेंद्रजी तुमच्या नुसत्या वजनानेच बाबरी पडली असती - मुख्यमंत्री
CM Uddhav Thackeray Live: काहींना बाळासाहेब झाल्यासारखे वाटते; उद्धव ठाकरेंचा राज ठाकरेंना टोला

पुढे बोलताना मुख्यमंत्री उद्धव ठाकरे म्हणाले, भाजप आणि देवेंद्र फडणवीस यांनी बाबरी पाडली नाही. तसेच यात त्यांचा कोणताही सहभाग नव्हता. जर, देवेंद्र फडणवीस खरच बाबरी मशीद पाडायला गेले असते, तर त्यांनी नुसता मशिदीवर चढायचा प्रयत्न जरी केला असता तरी त्यांच्या वजनानेच बाबरी खाली आली असती. लोकांना मशीद पाडायला श्रम करावेच लागले नसते असा मिश्किल टोला मुख्यमंत्र्यांनी फडणवीसांना लगावला.

देवेंद्रजी तुमच्या नुसत्या वजनानेच बाबरी पडली असती - मुख्यमंत्री
"काँग्रेससोबत असलो, तरी ह्रदयातलं हिंदुत्व सोडलेलं नाही", मुख्यमंत्र्यांनी भाजपला सुनावलं

आता भाजपकडून सांगितलं जात आहे कि बाबरी 'मशिद' नव्हे तर ढाचा होता. तर, मग त्याकाळी संघ आणि भाजपाकडून 'मंदिर पाडले आणि मशिदी बांधली' हा प्रचार का करण्यात येत होता? असा प्रश्न उद्धव ठाकरे यांनी उपस्थित केला. बाबरी मशीद पाडल्यानंतर शिवसेना प्रमुख दिवंगत बाळासाहेब ठाकरे यांचा तत्कालीन किस्सा सांगताना उद्धव ठाकरे म्हणाले, "टीव्हीवर जेव्हा बाबरी मशिद पाडल्याची मी बातमी पाहिली तेव्हा बाळासाहेबांना एक फोन आला होता. मशिद पाडण्यामध्ये शिवसैनिकांचा हात आहे का? तेव्हा बाळासाहेब म्हणाले होते, शिवसैनिकांनी बाबरी पाडली असेल तर मला त्यांचा गर्व आहे, अभिमान आहे."

देवेंद्रजी तुमच्या नुसत्या वजनानेच बाबरी पडली असती - मुख्यमंत्री
CM Uddhav Thackeray Live:...तर 'आरएसएस'ची टोपी काळी का?; उद्धव ठाकरेंचा भाजपला टोला

बाबरी मशीद पाडल्यानंतर जेव्हा कायदेशीर कारवाया सुरु झाल्या तेव्हा भाजप नेत्यांनी हात झटकायला सुरुवात केली होती. भाजपचे तत्कालीन नेते, सुंदरसिंह भंडारी यांनी बाबरी पाडण्याचे काम आमचे नसल्याचे तेव्हाच स्पष्ट केले होते. कदाचित हे काम शिवसैनिकांनी केले असेल अशी प्रतिक्रिया त्यांनी त्यावेळी माध्यमांना आणि यंत्रणांना दिली होती. मग, तेव्हाच भोंगे लावून आम्ही बाबरी पाडली असा प्रचार भाजपने का केला नाही? फडणवीसांनी तेव्हा का सांगितले नाही कि बाबरी पाडायला मी होतो? असे उद्धव ठाकरे म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.