Dhangar Reservation : 'आज रस्त्यावर मेंढ्या सोडल्यात उद्या मंत्रालयात सोडू'; धनगर आरक्षणासाठी लाेणी काळभाेर टाेल नाक्यावर आंदाेलन

- सचिन जाधव

Pune News : धनगर समाजाच्या वतीने धनगर आरक्षणासाठी लोणी काळभोर टोल नाक्यावर आज (शनिवार) रास्ता रोको आंदोलन करण्यात आले. आंदाेलकांनी रस्त्यावरती मेंढ्या सोडल्याने वाहतुकीचे तीन तेरा वाजले हाेते. (Maharashtra News)

धनगर समाजाला एसटी मधून आरक्षण मिळावं अशी मागणी आहे. सरकारने धनगर समाजाची फसवणूक केली आहे. पुढील काळामध्ये सरकार विरोधात मोठ्या आंदोलन उभे केला जाईल असा इशारा घनश्याम हाके यांनी दिला.

आज रस्त्यावरती मेंढ्या सोडल्यात पुढील काळात मंत्रालयात न सांगता मेंढ्या सोडल्या जातील. फडणवीस सरकारने आरक्षण देतो म्हणून आमची फसवणूक केली व धनगर समाजातील नेत्यांनीही समाजाची दिशाभूल केली असल्याची टीका हाके यांनी केली. एसटी आरक्षणाची अंमलबजावणी करून सर्टिफिकेट त्वरित द्यावीत अशी मागणी देखील करण्यात आली आहे.

Edited By : Siddharth Latkar