मुंबई : शिवसेनेने जारी केलेल्या व्हीपनुसार मतदान न केलेल्या ३९ बंडखोर आमदार कारवाई करण्याची मागणी शिवसेनेकडून (Shivsena) करण्यात आली आहे. याबाबत आज नव्या विधानसभा अध्यक्षांकडे आपण याचिका दिली असल्याची माहिती शिवसेना खासदार अरविंद सावंत (Shivsena MP Arvind Sawant) यांनी आज दिली.
अरविंद सावंत म्हणाले, 'महाराष्ट्रात सध्या रात असवैंधनिक काम सुरू आहे. मुख्यमंत्र्यांनी राजीनामा दिल्यानंतर जास्त आमदार असलेल्या पक्षाला निमंत्रण द्यायला पाहिजे होतं. मात्र, तसं झालं नाही. ज्यांच्यावर सुप्रीम कोर्टाची (Supreme Court) नोटीस त्यांनी शपथ घेतली. आम्ही व्हीप जारी केल्यानंतरही ३९ आमदारांनी व्हीप पाळला नाही. आम्ही विधानसभा अध्यक्षांकडे पीटिशन दाखल केलं' असल्याचं सावंत म्हणाले.
पाहा व्हिडीओ -
तसंच त्या ३९ आमदारांवर कारवाई केली पाहिजे, त्यांना अपात्र केलं पाहिजे अशी मागणी आपण विधानसभा अध्यक्षांच्याकडे केली आहे. उद्या सकाळी शिवसेनेचं कार्यालय उघडं होईल. आज रविवार म्हणून कार्यालय बंद असल्याचं स्पष्टीकरणही त्यांनी यावेळी दिलं.
तसंच शिवसेना हा रजिस्टर पक्ष असून या पक्षात पक्षप्रमुखांचेच आदेश चालतात, तुम्ही कोण? तुम्हाला मान्यता आहे का? असा सवालही त्यांनी शिंदे गटाला उद्देशून केला. तसंच भरत गोगावले यांना कारवाई करण्याचा अधिकार आहे का असाही प्रश्न त्यांनी यावेळी विचारला.
Edited By - Jagdish Patil
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.