Dombivli MIDC News: मोठी बातमी! भट्टीमधील वायू आणि कोळसा थेट अंगावर; ६ कामगार गंभीर जखमी

अभिजीत देशमुख

Accident News: डोंबिवली एमआयडीसी परिसरातील एका कंपनीत मोठी दुर्घटना घडली आहे. कंपनीच्या बॉयलर भट्टीमधील वायू व कोळसा अंगावर उडून ६ कामगार यात भाजले गेलेत. भाजल्याने कामगारांना गंभीर जखमा झाल्या आहेत. या सहा जखमी कर्मचाऱ्यांना डोंबिवली येथील रुग्णालयात दाखल करण्यात आले आहे.(MIDC Company)

मिळालेल्यामाहितीनुसार, काल सकाळच्या सुमारास ही घटना घडली. या प्रकरणी मानपाडा पोलीस ठाण्यात निष्काळजीपणाचा ठपका ठेवत जय इंडस्ट्रीज कंपनी प्रशासनाविरोधात गुन्हा दाखल करत पुढील तपास सुरु करण्यात आला आहे.

डोंबिवली (Dombivli) एमआयडीसी परिसरातील जय इंडस्ट्रीज केमिकल कंपनीमध्ये काल सकाळच्या सुमारास कामगार काम करत होते. याच दरम्यान कंपनीच्या बॉयलर विभागात बॉयलर भट्टीमधील वायू व कोळसा कामगारांच्या अंगावर उडाला. या दुर्घटनेत काम करत असलेले सहा कामगार जखमी झाले.

या कामगारांना उपचारासाठी रुग्णालयात (Hospital) दाखल करण्यात आलं. या प्रकरणी मानपाडा पोलीस ठाण्यात अपघात होऊ नये यासाठी पुरेशी काळजी न घेतल्याने तसेच कंपनी प्रशासनाकडून केलेला निष्काळजपणामुळे सदरची घटना घडल्याचा ठपका ठेवत जय इंडस्ट्रीज कंपनी प्रशासनाविरोधात गुन्हा दाखल करण्यात आलाय. या प्रकरणी पोलीस आता पुढील तपास करत आहेत.