प्रदिप भणगे
डोंबीवली: जागेच्या वादातून एका कुटुंबावर प्राणघातक हल्ला केल्याची घटना डोंबिवलीत घडली आहे. धक्कादायक म्हणजे या मध्ये लहान मुलांना आणि महिलांनाही मारहाण करण्यात आली आहे. त्याचबरोबर घरात सर्व वस्तूंची तोडफोड करण्यात आली आहे. या प्रकरणी मानपाडा पोलिसांनी कारवाई सुरू केली आहे. घटनेचा व्हिडीओ समोर आला आहे.
डोंबिवली पूर्वेतील पागड्याचा पाडा गावात आज अडीच वाजता एका घरात काही लोक घुसले आणि त्यांनी घरातील लोकांना मारहाण सुरू केली आहे. अरुण काळोखे त्यांची पत्नी त्यांच्या लहान मुलांना बेदम मारहाण करण्यात आली. या मारहाणीच्या व्हिडिओ समोर आला आहे.
एवढेच नाही तर हल्ला करणाऱ्या लोकांनी घरामध्ये तोडफोड सुद्धा केली आहे. जागेच्या वादातून ही मारामारी झाली असल्याची माहिती अरुण काळोखे यांनी दिली आहे. अनेक दिवसापासून जागेवरून वाद सुरू आहे. आज हा वाद विकोपाला गेला. डोंबिवलीच्या मानपाडा पोलिसांनी या प्रकरणी तपास सुरू केला आहे.तसेच या घटनेत दुसऱ्या गटातील एक महिला सुद्धा जखमी झाली आहे.
मारहाणीचा व्हिडिओ समोर आला आहे ज्यामध्ये दिसत आहे की कशाप्रकारे बेदम मारहाण केली जात आहे. सागर फराळ आणि त्यांच्या नातेवाईकांनी हल्ला केल्याचे समोर आले आहे. ज्या कुटुंबाला मारहाण झाली आहे ते कुटुंब भितीच्या वातावरणात जगत आहे.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.