- अभिजित देशमुख
Dombivli : डोंबिवली स्टेशन परिसरात (dombivli station) फेरीवाल्यांची (hawkers) दादागिरी पुन्हा समोर आली आहे. एका रुग्णवाहिकेच्या (ambulance) चालकास वाहन मागे घेत असताना फेरीवाल्यांच्या कडाप्पाला धक्का लागला. त्यामुळे संतापलेल्या फेरीवाल्यांनी चालकाला शिवीगाळ करत बेदम मारहाण केली. (Maharashtra News)
ही घटना डोंबिवलीतील मधुबन टॉकीज परिसरात घडली. ही घटना सीसीटिव्ही कॅमेरात कैद झाली आहे. या घटनेत रुग्णवाहिका चालकाच्या हाताला गंभीर दुखापत झाली आहे. याप्रकरणी रामनगर पोलीस ठाण्यात मारहाण करणा-या फेरीवाल्यांविरोधात रुग्णवाहिका चालकाने पाेलिस ठाण्यात तक्रार दिली.
दाेन फेरीवाले पाेलिसांच्या ताब्यात
रुग्णवाहिका चालक गणेश माळी याच्या तक्रारीनंतर डोंबिवलीच्या रामनगर पोलीस ठाण्यात दाेघांवर मारहाणाची गुन्हा दाखल करण्यात आला. गणेशच्या तक्रारीनूसार पाेलिसांनी अनिल गुप्ता व रोहित गुप्ता या फेरीवाल्यांना ताब्यात घेतलं.
कठाेर कारवाईची अपेक्षा
दरम्यान डोंबिवली स्टेशन परिसरात रस्ता व फुटपाथ अडवून बसलेल्या फेरीवाल्यांमुळे मोठ्या प्रमाणात वाहतूक कोंडी होते. नागरिकांकडून लोकप्रतिनिधींकडून या फेरीवाल्यांबाबत वारंवार तक्रारी केल्या जातात. मात्र महापालिका प्रशासन तात्पुरती कारवाई करत असल्याने फेरीवाल्यांचे चांगलेच फावल्याचे दिसून येत आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
