संजय गडदे
Mumbai: मुंबईत सर्रासपणे अंमली पदार्थांची विक्री सुरू आहे. यात तरुणाई मोठ्या प्रमाणावर फसत असल्याचे समजत आहे. काल (शनिवारी) रात्री साडेनऊच्या दरम्यान एका १९ वर्षीय युवकाला अटक करण्यात आली. त्याच्याकडे लाखोंचा अंमली पदार्थांचा साठा मिळाला आहे. न्यायालयाने त्याला पोलीस कोठडी सुनावली असून सध्या तो पोलिसांच्या ताब्यात आहे. (Latest Mumbai News)
प्राप्त माहितीनुसार, मुंबईच्या डी.एन.नगर पोलिसांनी ही कारवाई केली आहे. अंधेरी (Andheri) पश्चिमेकडील कामा रोड परिसरात एक तरुण अंमली पदार्थ विक्रीसाठी घेऊन येत असल्याची माहिती पोलिसांना सूत्रांकडून मिळाली. त्यानंतर पोलिसांनी सापळा रचला आणि अंमली पदार्थ विक्रेत्याला ताब्यात घेतले. त्याच्याकडून पोलिसांनी तब्बल २.८५ लाख रुपये किंमतीचे अंमली पदार्थ जप्त केले आहेत. सध्या पोलीस त्याची कसून चौकशी करत आहेत.
आरोपीकडून 50 ग्रॅम एमडी ड्रग्स जप्त करण्यात आले.आरोपीने ड्रग्स कुठून आणले आणि तो कुणाला देणार होता याविषयीचा तपास आता डी एन नगर पोलीस (Police) करत आहेत. या प्रकरणी त्याच्या चौकशीत आणखीन मोठ्या रॅकेटचा खुलासा होण्याची शक्यता वर्तवली जात आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.