Devendra Fadnavis News : अभिनेत्री जुही चावलाने मुंबईवर केलेल्या विधानामुळे चर्चेत आली आहे. जुहीने नुकतेच राज्याची राजधानी, ड्रिम सिटी असलेल्या मुंबईवर केलेल्या ट्वीटमुळे अभिनेत्री जुही चावला चर्चेत आली आहे. जुहीने सोशल मीडियावर मुंबईत पसरलेल्या दुर्गंधीविषयी भाष्य (Juhi Chawla Twitter Post) केले आहे. जुही चावलाच्या ट्विटवर उपमुख्यमंत्री देवेंद्र फडणवीस यांनी प्रतिक्रिया दिली आहे. 'आंतरराष्ट्रीय शहराला अशा प्रकारचं वक्तव्य एका सेलिब्रिटीने करताना थोडासा विचार करून बोलावं', असा सल्ला फडणवीसांनी चावलाला दिला.
कुर्ला छत्रपती शिवाजी महाराज तलाव या ठिकाणी शिंदे गटाचे आमदार दिलीप लांडे यांनी भव्य दिव्य अश्या छटपूजेचे आयोजन केले. या छटपूजेला उपमुख्यमंत्री देवेंद्र फडणवीस (Devendra Fadnavis) , आमदार आशिष शेलार उपस्थित होते. या ठिकाणी शेकडोच्या संख्येने कुर्ला, साकीनाका, घाटकोपर , चेंबूर इत्यादी परिसरातून उत्तर भारतीय बांधव छट पूजेस उपस्थित होते. यावेळी उपमुख्यमंत्री देवेंद्र फडणवीस जुही चावलाच्या मुंबई बद्दलच्या वक्तव्यावर म्हणाले की, 'सार्वत्रिक बोलणं योग्य नाही. मुंबई एक उत्तम शहर आहे'.
'मुंबई शहरात इन्फ्रा स्ट्रक्चरची कमतरता आहे. महानगर पालिकेतल्या भ्रष्टाचारामुळे काही अडचणी लोकांना सहन करावे लागतात. मात्र आता सरकार बदललेलं आहे. मुंबईत आमच्या मुख्यमंत्र्यांनी सहा हजार काँक्रेट रस्ते बनवायला घेतले आहेत', असेही ते म्हणाले.
फडणवीस पुढे म्हणाले, 'मुंबई आता बदलणार आहे. त्यामुळे मुंबईला सरसकट बोलणं चुकीचं आहे. मुंबई हे आंतरराष्ट्रीय शहर आहे. आंतरराष्ट्रीय शहराला अशा प्रकारचं वक्तव्य एका सेलिब्रिटीने करताना थोडासा विचार करून बोलावं'.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
