MP Bus Accident : बस अपघातानंतर बचावकार्य सुरू; फडणवीसांनी मानले CM शिवराजसिंह यांचे आभार

इंदूरहून पुण्याकडे येणारी बस नदीत कोसळली आहे. या दुर्घटनेत आतापर्यंत १३ जणांचा मृत्यू झाल्याची माहिती समोर आली आहे. सदर दुर्घटनेबाबत उपमुख्यमंत्री देवेंद्र फडणवीस यांनी मध्य प्रदेशच्या मुख्यमंत्र्यांशी चर्चा केली.
devendra Fadnavis
devendra Fadnavis saam tv

रुपाली बडवे

मुंबई : मध्य प्रदेशच्या धारमध्ये महाराष्ट्रातील बसला अपघात झाला आहे. इंदूरहून पुण्याकडे येणारी बस नदीत कोसळली आहे. या दुर्घटनेत आतापर्यंत १३ जणांचा मृत्यू झाल्याची माहिती समोर आली आहे. सदर दुर्घटनेबाबत उपमुख्यमंत्री देवेंद्र फडणवीस यांनी मध्य प्रदेशच्या मुख्यमंत्र्यांशी फोनवरून चर्चा केली. मध्य प्रदेश सरकारने तत्काळ सर्व प्रशासन पाठवून मदत सुरू केली, त्यासाठी उपमुख्यमंत्री देवेंद्र फडणवीस (Devendra Fadnavis) यांनी मध्य प्रदेशच्या मुख्यमंत्री शिवराजसिंह (Shivraj Singh Chouhan) यांचे आभार मानले आहेत. ( Devendra Fadnavis News In Marathi)

devendra Fadnavis
Indore-Pune Bus Accident: समोरुन येणाऱ्या दुचाकीला वाचवताना बसचा अपघात; मुख्यमंत्री एकनाथ शिंदेंची माहिती

उपमुख्यमंत्री देवेंद्र फडणवीस यांनी आज मुंबईत पत्रकार परिषद घेतली. या पत्रकार परिषदेत फडणवीस पुढे म्हणाले, 'गिरीश महाजन यांना इंदूरला रवाना केलं आहे. सर्व व्यवस्था तातडीने उपलब्ध करण्यासाठी जळगावमध्येही सर्व व्यवस्था उभारण्यात आली असून नातेवाईक संपर्क करून माहिती घेऊ शकतात'.

devendra Fadnavis
Indore-Pune Bus Accident: मृतांच्या नातेवाईकांना एसटीतर्फे १० लाख; मुख्यमंत्री एकनाथ शिंदेंचे आदेश

राजकीय हस्तक्षेप करून निवडणुका पुढे ढकलण्याचा आरोप राष्ट्रवादी काँग्रेसचे प्रदेशाध्यक्ष जयंत पाटील यांनी केला होता, त्या आरोपांना देखील फडणवीसांनी उत्तर दिले. 'निवडणुकांबाबत त्यांचं पत्र मिळालं आहे. मुख्यमंत्री एकनाथ शिंदे आणि मी त्याबद्दल निर्णय घेऊ. यावेळी फडणवीसांनी काँग्रेसवर देखील निशाणा साधला. 'काँग्रेसच्या नेत्यांनी संविधानाबद्दल बोलायला नको. भाजप, पंतप्रधान नरेंद्र मोदी हे संविधानाला श्रेष्ठ मानतात'.

दरम्यान, आज उपमुख्यमंत्री देवेंद्र फडणवीस हे दिल्ली दौऱ्यावर जाण्याची शक्यता आहे. आज संध्याकाळी नागपुरात तर त्यानंतर रात्री दिल्लीला जाण्याची शक्यता आहे. पावसाळी अधिवेशनाआधी मंत्रिमंडळ विस्तार करायचा असून यावर आज दिल्लीत चर्चा होण्याची शक्यता आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com