TET, आरोग्य आणि म्हाडा भरती घोटाळा प्रकरणात ईडीची एन्ट्री; ED च्या रडारवर कोण?

राज्यात मोठ्या प्रमाणावर झालेला आरोग्यभरती, टीईटी आणि म्हाडा परीक्षेतील घोटाळा साम टीव्हीने उघडकीस आणला होता.
TET Mhada Exam Scam
TET Mhada Exam ScamSaam TV

प्राची कुलकर्णी -

पुणे : संपुर्ण राज्यभर गाजलेल्या आणि परिक्षा यंत्रणांवरती प्रश्नचिन्ह उपस्थित करणाऱ्या आरोग्यभरती, म्हाडा आणि टीईटी (TET) परीक्षा घोटाळा प्रकरणात आता एन्ट्री झाली असून या प्रकरणातील सर्व कागदपत्रे आता पुणे पोलिसांनी ईडीला दिली आहेत. (Health Recruitment, MHADA and TET Exam Scam Case)

ईडीने (ED) या परिक्षांच्या घोटाळा प्रकरणाची कागदपत्र पाठवावी अशी नोटीस पुणे पोलिसांना पाठवली होती. त्यानुसार आता पोलिसांनी ही कागदपत्रे ईडीला पाठवली आहेत. त्यामुळे ईडीच्या रडारवर नेमकं कोण असणार याबाबतच्या चर्चांना उधाण आलं आहे.

पाहा व्हिडीओ -

राज्यात मोठ्या प्रमाणावर झालेला आरोग्यभरती, टीईटी आणि म्हाडा (MHADA) परीक्षेतील घोटाळा साम टीव्हीने उघडकीस आणला होता. तर या घोटाळ्यांमध्ये कोट्यावधींची उलाढाल झाल्याचे आरोप आहेत. त्याच पार्श्वभुमीवर आता ईडीने या प्रकरणाची दखल घेतली असण्याची शक्यता वर्तवली जात आहे. तसंच या प्रकरणात मनी लाँड्रिंग (Money laundering) झालं आहे का? हे देखील तपासलं जाण्याती शक्यता आहे.

राज्यभरात झालेल्या या परीक्षा घोटाळ्यांची चौकशी पुणे सायबर पोलिसांकडून (Pune Cyber ​​Police) सुरु असतानाच त्यांना ईडीकडून एक पत्र पाठविण्यात आलं होतं. या प्रकरणातील कागदपत्र ईडीकडे द्यावी अशी मागणी त्या पत्राद्वारे करण्यात आली होती.

त्यानुसार पुणे पोलिसांनी ही कागदपत्र ईडीला दिली आहेत. त्यामुळे या भरती घोटाळ्यातील ही महत्वाची घडामोड असून आता ईडीच्या रडारवर नेमकं कोण आहे असा सवाल उपस्थित केला जात आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com