मंत्रिपदासाठी अब्दुल सत्तारांनी मुख्यमंत्री एकनाथ शिंदेंची मध्यरात्रीच घेतली होती भेट

मुंबई: सत्तास्थापनेच्या एक महिन्यानंतर शिंदे-फडणवीस (Eknath Shinde) मंत्रिमंडळाचा विस्तार काल झाला. शिंदे गटातील ९ तर भाजमधील ९ आमदारांनी मंत्रिपदाची शपथ घेतली. मंत्रिमंडळ विस्तारापूर्वी मुख्यमंत्री एकनाथ शिंदे यांच्या नंदनवन बंगल्यावर रात्रभर शिंदे गटातील आमदारांचे खलबते सुरू होते, अशा चर्चा सुरू आहेत.

मंत्रिपदासाठी इच्छुक आमदारांची मुख्यमंत्री एकनाथ शिंदे (Eknath Shinde) यांनी समजूत काढली असल्याचे बोलले जात आहे. अनेकांनी मंत्रिपदासाठी दावा केला होता, पण काल अनेकांचा पत्ता कट झाला त्यामुळे आता नाराजी असल्याचे बोलले जात आहे.

मंत्रिमंडळाचा विस्तार ठरला तेव्हा यावेळी मुख्यमंत्री एकनाथ शिंदे हिंगोली, नांदेड दौऱ्यावर गेले होते. ते सोमवारी दौरा करुन रात्री मुंबईत दाखल झाले. यानंतर मध्यरात्री मुंबईत नंदनवन बंगल्यात खलबते सुरू झाली.

काही दिवसापूर्वी टीईटी घोटाळा समोर आला होता, या घोटाळ्यात मंत्री अब्दुल सत्तार यांच्या मुलींची नावे असल्याची बातमी आली होती, त्यामुळे सत्तार यांचा मंत्रिपदावरुन पत्ता कट होणार असल्याच्या चर्चा सुरू झाल्या होत्या. (Eknath Shinde Latest News)

यानंतर अब्दुल सत्तार यांनी मुंबईला जात मुख्यमंत्री एकनाथ शिंदे (Eknath Shinde) यांची भेट घेतली. मध्यरात्री मंत्रिपदाबाबत चर्चा केली. यानंतर दुसऱ्या दिवशी सकाळी सह्याद्री बंगल्यावर झालेल्या बैठकीनंतर मंत्र्यांच्या यादीत सत्तार यांच्या नावाचा समावेश केला असल्याचे बोलले जात आहे.

आमदार संजय शिरसाट यांना मंत्रिपदाच्या नावाच्या यादीत समावेश नसल्याचे समजताच शिरसाट संतप्त झाले होते. त्यांची समजूत काढत असताना मुख्यमंत्री एकनाथ शिंदे देखील संतप्त झाले होते असं बोलले जात आहे.