मंत्रिमंडळ विस्तार लांबल्याने शिंदे गटातील आमदारांमध्ये नाराजी? दररोज होतेय नेतृत्वाला विचारणा

मुंबई: शिवसेनेचे (ShivSena) ज्येष्ठ नेते एकनाथ शिंदे यांच्यासह ४० आमदारांनी बंड केले. त्यामुळे राज्यातील महाविकास आघाडी सरकार कोसळले. शिवसेनेतून बंडखोरी केलेले आमदार आणि भाजप एकत्र येत राज्यात शिंदे-फडणवीस सरकार स्थापन केले. एकनाथ शिंदे यांनी मुख्यमंत्रीपदाची तर देवेंद्र फडणवीस यांनी उपमुख्यमंत्रीपदाची शपथ घेतली. तर मंत्रिमंडळाचा विस्तार अजुनही झालेला नाही. त्यामुळे शिंदे गटात नाराजी पसरल्याची माहिती मिळात आहे. (Eknath Shinde Latest News)

मंत्रिमंडळाचा मुहूर्त लांबल्याने शिंदे गटात अंतर्गत नाराजी पसरल्याची माहिती मिळत आहे. ईच्छुक आमदारांच्या मतदारसंघात नाराजी पसरली आहे. मुख्यमंत्री आणि उपमुख्यांचा शपथविधी झाल्यानंतर लवकरच मंत्रिमंडळाचा विस्तार होईल अस सांगण्यात आले होते, पण अजुनही मंत्रिमंडळाचा विस्तार झालेला नाही. त्यामुळे शिंदे गटात अस्वस्थता पसरली आहे. मतदारसंघात नाराजी पसरल्याची माहिती एकनाथ शिंदे (Eknath Shinde) यांना आमदार देत आहेत.

सरकार स्थापन होऊन २५ दिवस होऊन गेला तरीही मंत्रिमंडळाचा विस्तार झालेला नाही. त्यामुळे राज्यात चर्चा सुरू आहेत. विस्तार लवकरच होईल असं बोलले जात होते, पण अजुनही झालेला नाही, त्यामुळे शिंदे गटातील आमदार रोज मुख्यमंत्री एकनाथ शिंदे यांची भेट घेऊन खंत व्यक्त करत असल्याचे पाहायला मिळत आहे. (ShivSena Latest News)

भाजपच्या (BJP) हायकमांडकडून मंत्रिमंडळ विस्ताराला अजुनही हिरवा सिग्नल मिळालेला नाही. त्यामुळे मंत्रिमंडळाचा विस्तार लांबला असल्याचे बोलले जात आहे. त्यामुळे शिंदे गटात अंतर्गत नाराजी पसरली आहे. त्यामुळे आता शिंदे-फडणवीस सरकारचा मंत्रिमंडळ विस्तार कधी होणार हे पाहणे महत्वाचे ठरणार आहे. (Eknath Shinde Latest News)