आम्हाला सूरतला जबरदस्तीने उचलून नेलं; बंडखोर आमदारांचा उद्धव ठाकरेंना फोन: रिपोर्ट्स

सूरतमध्ये जबरदस्तीने उचलून नेले असल्याचा आरोप बंडखोर आमदारांनी हॉटेलमधून फोन करून सांगितला आहे, अशी माहिती सूत्रांनी दिली आहे.
आम्हाला सूरतला जबरदस्तीने उचलून नेलं; बंडखोर आमदारांचा उद्धव ठाकरेंना फोन: रिपोर्ट्स
Uddhav Thackeray Saam Tv

मुंबई : विधानपरिषदेच्या निवडणुकीनंतर राज्याचा राज्याच्या राजकारणात मोठी घडामोड पाहायला मिळत आहे. शिवसेनेचे नेते मंत्री एकनाथ शिंदे (Eknath Shinde) व नाराज आमदारांना घेऊन गुजरातच्या सुरत येथे गेले आहेत. त्यामुळे राज्याचे राजकारण सकाळपासून ढवळून निघाले आहे. शिंदे यांच्या नाराजीनाट्यानंतर राज्याच्या राजकारणात मोठा राजकीय भूकंप होण्याची शक्यता निर्माण झाली आहे. याचदरम्यान, सूरतच्या ली मेरडियन हॉटेलमध्ये गेलेल्या बंडखोर आमदारांनी मुख्यमंत्री उद्धव ठाकरेंशी (Uddhav Thackeray) फोनवरून संवाद साधला. त्यांना सूरतमध्ये जबरदस्तीने उचलून नेले असल्याचा आरोप बंडखोर आमदारांनी हॉटेलमधून फोन करून मुख्यमंत्री उद्धव ठाकरे यांना सांगितला आहे, अशी माहिती सूत्रांनी दिली आहे.

Uddhav Thackeray
Eknath Shinde : बंड का केलं? एकनाथ शिंदेंनी रश्मी ठाकरेंना सांगितली ३ कारणं

एकनाथ शिंदे यांच्या नाराजीनाट्यानंतर राज्यात महाविकास आघाडीचे सरकार अडचणीत आल्याचे बोलले जात आहे. शिंदे नाराजीनाट्यानंतर राज्यात सत्तापालट होणार असल्याची चर्चा राजकीय वर्तुळात सुरू झाली आहे. याचदरम्यान, सध्याच्या राजकीय घडामोडीचा सर्वात मोठा खुलासा झाला आहे. मंत्री एकनाथ शिंदे यांनी नाराज आमदारांना सुरतमधील ली मेरडियन या हॉटेलमध्ये घेऊन गेले. मात्र, या बंडखोरांनी मुख्यमंत्री उद्धव ठाकरेंजवळ मोठा दावा केला आहे. ली मेरडियन हॉटेलमधील काही बंडखोर आमदारांनी मुख्यमंत्री उद्धव ठाकरेंना फोन करून आम्हाला जबरदस्ती उचलून नेल्याचे सांगितले आहे, अशी माहिती सूत्रांनी दिली आहे. या दाव्यानंतर राज्याच्या खळबळ उडाली आहे.

Uddhav Thackeray
नाराजी नाट्यात रश्मी ठाकरेंची एन्ट्री; एकनाथ शिंदेंसोबत फोनवरून संपर्कात

एकनाथ शिंदेंना गटनेते पदावरुन हटवले

शिवसेनेने (Shivsena) एकनाथ शिंदे यांना गटनेते पदावरुन हटवले आहे. शिवसेनेने आता अजय चौधरी यांना गटनेते पद दिले आहे. विधान परिषद निवडणुकीच्या निकालानंतर महाराष्ट्रातील राजकारण (maharashtra politics) आज (मंगळवार) सकाळपासून ढवळून निघाले आहे. शिवसेनेचे खंदे समर्थक नगरविकास मंत्री एकनाथ शिंदे (eknath shinde latest updates) हे सेनेच्या (shivsena) सुमारे 17 आमदारांसह सूरतला (Eknath Shinde in Surat) गेल्याचे समजते. (Eknath Shinde Marathi news)

दरम्यान, महाविकास आघाडी सरकार विधान परिषद निवडणुकीच्या निकालानंतर सावरेपर्यंत शिंदेंनी दूसरा धक्का दिल्याची चर्चा आहे. शिंदे हे गुजरात भाजपचे अध्यक्ष सीआर पाटील (Gujarat BJP chief C R Patil) यांच्याशी संपर्कात हाेते असेही समजते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com