Maharashtra Politics : मोदींच्या सभेतील CM शिंदेंच्या भाषणानंतर ठाकरे गट टाकणार डाव, EC समोरील सुनावणीआधीच...

निवडणूक आयोगासमोरील सुनावणीआधी ठाकरे गटाने एक मोठी खेळी खेळली आहे.
Uddhav Thackeray vs Eknath Shinde
Uddhav Thackeray vs Eknath ShindeSaam TV

Eknath Shinde vs Uddhav Thackeray : शिवसेना कुणाची? धनुष्यबाण कुणाला मिळणार? याबाबतची सुनावणी आज निवडणूक आयोगासमोर होणार आहे. दुपारी ४ वाजता या सुनावणीला सुरूवात होणार असून निवडणूक आयोग कुणाच्या बाजूने निर्णय देणार याकडे सर्वांचं लक्ष लागून आहे. दरम्यान, निवडणूक आयोगासमोरील सुनावणीआधी ठाकरे गटाने एक मोठी खेळी खेळली आहे.  (Latest Marathi News)

Uddhav Thackeray vs Eknath Shinde
Video : शिवसेना कुणाची? निवडणूक आयोगाच्या सुनावणी आधीच उल्हास बापट यांनी दिली मोठी प्रतिक्रिया; म्हणाले...

ठाकरे गट मुख्यमंत्री एकनाथ शिंदे  (Eknath Shinde)  यांच्या वक्तव्याचा दाखल निवडणूक आयोगासमोर ठेवणार असल्याची माहिती आहे. गुरूवारी (19 जानेवारी) पंतप्रधान नरेंद्र मोदी हे मुंबईत आले असताना, मुख्यमंत्री शिंदे यांनी भाषणात आम्ही मोदींचेच असल्याचं परदेशात सांगितल्याचं मान्य केलं होतं.

याच वक्तव्याचा दाखला आता ठाकरे गट निवडणूक आयोगासमोर मांडणार असल्याची माहिती सूत्रांनी दिली आहे. आधीच एकनाथ शिंदे यांनी केलेलं बंड हे अवैध्य असल्याचा दावा ठाकरे गट करीत आहे. त्यामुळे शिंदेंचा हे विधान त्यांच्याच अंगलट येईल का? अशी चर्चा सुरू झाली आहे. (Maharashtra Political News)

Uddhav Thackeray vs Eknath Shinde
Deepak Sawant : मोठी बातमी! माजी आरोग्यमंत्री डॉ. दीपक सावंत यांच्या कारला अपघात; पालघरला जाताना घडली दुर्घटना

एकनाथ शिंदे काय म्हणाले होते?

बीकेसी कार्यक्रमात बोलताना मुख्यमंत्री एकनाथ शिंदे यांनी दाओस दौऱ्याविषयी सांगितले. यावेळी मुख्यमंत्री म्हणाले की, दाओसला प्रत्येकजण मोदींबद्दल विचारत होते. दुसऱ्या देशाचे मंत्री आपण मोदींचे भक्त असल्याचे सांगत होते. ‘आपण’ मोदींना मानता का? असे विचारले असता, मी सांगितले की आम्ही मोदींचीच माणसे आहोत’. मोदींच्याच मार्गदर्शनाखाली आम्हाला मुंबई- महाराष्ट्राचा विकास करायचा आहे, असं शिंदेंनी म्हटलं होतं.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com