अजय दुधाणे
उल्हासनगर : उल्हासनगर मध्ये दिवसा ढवळ्या एका वृद्ध महिलेला लुटण्याचा प्रकार समोर आला आहे. मात्र, अवघ्या एका तासाच्या आत पोलिसांनी आरोपींना बेड्या ठोकून सर्व मुद्देमाल हस्तगत केला आहे. सकाळी साडे आठ वाजताच्या सुमारास पुष्पा बजाज हि दुधाचा व्यवसाय करणारी वृद्ध महिला फॉरवर्ड लाईन चौकातून दुधविक्री करून घरी जात होती.
हे देखील पहा :
मात्र, याचवेळी तीन इसम या महिलेच्या मागावर होते. पुष्पा बजाज या इमालीपाडा येथील एका गल्लीतुन जात असताना त्यांच्या मागावर असलेल्याचोरट्यांनी बजाज यांच्या कडील दुध विक्रीतुन आलेले रोख ५४ हजार ६०० रुपये जबरीने चोरुन पळ काढला होता. मात्र उल्हासनगर मध्यवर्ती पोलिस ठाण्याच्या गुन्हे प्रकटीकरण पथकाने घटनास्थळी तपास करून आरोपी सागर रमाकांत चव्हाण (वय २१), बॉबी बाबूसिंग लभाना (वय २२) या आरोपींना बेड्या ठोकल्या आहेत.
त्यांनी त्यांचा साथीदार आनंद विद्वान कांबळे यांच्यासह सदरचा गुन्हा केल्याचे कबूल केले आहे. या आरोपींकडून चोरी करण्यात आलेली ५४ हजार ६०० रुपये इतकी रक्कम पोलिसांनी हस्तगत केले आहेत. सदर आरोपींना न्यायालयापुढे हजर केले असता न्यायालयाने त्यांना २ दिवसांची पोलीस कोठडी सुनावली आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.