Thane Excise Department News : महाराष्ट्रात (maharashtra) विक्रीस परवानगी नसलेला एक कोटींची गोवा बनावटीचा (goa liquor) विदेशी मद्यसाठा राज्य उत्पादन शुल्क विभागाच्या ठाणे (state excise department thane) भरारी पथकाने जप्त केला आहे. या कारवामुळे मद्य विक्रेत्यांचे देखील धाबे दणाणले आहेत. (Maharashtra News)
ही कारवाई उत्पादन शुल्क अधिक्षक निलेश सांगडे यांच्या निर्देशानुसार निरिक्षक दिगंबर शेवाळे यांच्या मार्गदर्शनाखाली दुय्यम निरीक्षक व त्यांच्या सहकार्यानी मुंबई - गोवा महामार्गावरील पनवेल कल्हेगाव (panvel kalegoan) येथील हॉटेल विसावाजवळ केली.
या कारवाईत एकूण एक कोटी १८ लाख ९४ हजार ३६० रुपयांचा मुद्देमाल जप्त करण्यात आल्याची माहिती अधिक्षक सांगडे यांनी दिली.
विदेशी मद्याचे १५५७ बॉक्स भरलेल्या कंटेनरसह कंटेनर चालक राजशेखर सोमशेखर परगी (वय ४१) आणि त्याचा साथीदार ख्वाजा हुसेन हित्तलमनी (वय ५८) दोघेही राहणार हुबळी (धारवाड) यांना राज्य उत्पादन शुल्क विभागाच्या ठाणे भरारी पथकाने ताब्यात घेतले आहे.
दरम्यान राज्य उत्पादन शुल्क मंत्री शंभूराज देसाई यांनी राज्यात गाेवा बनावटीची दारु आणणा-यांना जरब बसावी यासाठी ठाेस पावलं उचलण्याचे आदेश अधिका-यांना मध्यंतरी दिले हाेते. त्यानूसार अधिकारी वर्ग देखील सतर्क राहून कार्यरत असल्याचे दिसून येते.
Edited By : Siddharth Latakr
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
